SEP 01 – SANABYUM DEAMTE!

Bindo Gamangtungan anin a d’ong gameten, “Sanabyum deamte; Batongdongamte, Aman akkahidam.” Seletten Gideon Gamangtungan abmele tetten aboi kanub aranggan sabjale do Jioba-salom (manan, Gamangtungan a sanabyun). (Bitsara 6:23,24).

Tanimyim Kitung-len Sanabyun a nidolmar. ‘Sanabyun a Raja’ ateng ahimanji saring aboina ahiman (Jisaya 9:6). Sanabyun janzbjzban amangan saring dele. Kitungan asanabyun, ruangan saring labsolai mang-ling-len.

Bo dena galji mutta maranji Jisun amangba yiraiji, Aninji absurda sarranglen gamleji, “E Jisu, e Hanghang Mar, abasuyem-len”. A kanalkalnji gijle, Kitunglen a basuyemben asan oskailen. Attapdong anin Kitungdage a sanamangan kun galji a mandranji a d’ong absamangle, do gamle “Buyamaranji amang eadsuidamna”. Kun ambrij aninji sanamangan hangle, yirleji.

Kun galji saring bo mutta mar Jisun amangba yarling sanensenan tiyle abgugule. Jisun a d’ongan gamete, “Dinna, tagor-lingnam yira. Derna-nam absamanglam.” Kitungle sattang d’ongdage asanaman atiylantenan ate sattangted bar janang anablu tiyle sanabyun atiylangtenan a Kitung.

Nami janang Jisun tanimyiman batte gudinglangten: “E manangga do lanagin maranji, kuddub-ben mangba-Hen yeraiba, do Hen ablulunataben.” (Mattiu 11:28). A ganudingan amben adjaepo do ayengan a sanabyun anin sattang atiylatenan ate? Luluna Kitungan tiylangten Kitungan asanabyun batte. Nami kuddub ordarn danukkan do kudina-lingan daku. “Gamangtungan gamte, Duaih maranji apsele iteja sanabyun agassa.” (Jisaya 48:22).

Bo dina, passijanji Kristu passijan a d’ong ual-leji, yangam aman sanabyu-lingan daku, agante kuddub passijanji hangdrangan do kanalkalan batte kanalkalan ahangteji adnang. Anin ayerberle gamete, “dile dinna, tagaldan ayam-lingan, hen Jisu Kristun ajingba gobtai, ayengan Sanabyu Raja, a d’ongan abgugule senkenratai. Hen a d’ong abgugule dakutenai, Kitungan a sanabyun, ayengan ate ordaran ja adtiylangne, anin na J’ee-ling-hen a dane daku. Kun sattangted, agante kanalkalanji yirtai, amanglingan surpitai, kuddub dernan batte, kun asan anin sayamtei. Hen anirdakan do man’oihan batte barij delih, kun asan hen danukan lingan adakunai.”

Tanahimdam Kitungan a onagji, amben janang kun ambrij alumtepo sanabyun do anirdakan yangle dile denan adakunaben abmele?

Okiy Kinolbe absele: “Etteden Kitungan a itente a sanabyun kuddub ganalaman padte, antate Kristu Jisu lingan uggaran do anogandi-benji turturre rabrabte” (Pilippi 4:7).