Aug 31 – Sabo apuni laga Pobitro Mondirke!

Jonah 2:4  titya ami koise, ‘amike apuni laga suku pora ulai dise, hoilebi ami aro bi sabo apuni laga pobitro mondirke.

Itu prathana hi Jonah pogra kurise, jitya tai mas laga pet bhitor te thakise. Tai mon bonai loise ki, ‘aru bi Isor laga pobitro mondirke sabo.’

Isor nijor pora hi ekta mas laga intejam kurise Jonah ke gili bole(swallow) karone tai jitya tarshish te jaise Nineveh te jabole laga badly te. Ituu ini mamuli mas thakanai hoilebi Isor pora intejam kura ekta sobse dangor mas. Aru tai pora Isor laga icha kurishe. Itu pora prophet Jonah ke tin din aru tin rati tai laga pet bhitor te rakhise.

Isor ke sablole laga bhabna tu hoile tin din pichete te hi ahise. Jitya itu mas tu pani laga niche  te jaishe, tai mehsus hoishe pani pora tai ke gherau kura tu. Itu homoi te jitya Jonah pora Isor ke saise, Isor bi tai ke huni she.

Oh Isor laga bacha khan, ki apuni khan bi Isor pora piche ghurishe? Apuni Isor laga icha manishe na nai? Apuni nijor ke Isor laga ministry ke diya pichete, apuni laga mon di kene kam kurishe? Itu nimite apuni laga jibon te dukh digdar ahe naki? Inika homoi te Isor ke sabi, tai laga pobitro mondirke.

Isor jun hi Jonah ke uthai dishe aru tagot thaka ministry dishe, tai pora apuni laga prathana bi hunibo. Jun pora Jonah ke ekta nuton jibon dishe, tai pora apuni karone bi sob saman nuton kuri dibo. Isor ke sabi aru tai ke awaz dibi. Thik pora prathana kuribi. Ami khan laga Isor tu sob jaga pora dikhibole pare. Sob homoi te aapuni tai ke bisari kene pabo.

Ki ki bi homoi hoi thakibo pare, mas laga pet te hobi, bagh laga ghor te hobi, nohoile jui laga majote hobi, apuni hodai din Isor ke sabo paribo.

Oh Isor laga bacha khan, apuni bi Jonah nishina bhabna kuribo? Apuni laga digdar tu dangor hobi huro hobi ; Isor k eek bar mati kene sabi.

aji bhabna kuribole laga pobitro kotha tu hoile jeremiah 33:3 amike matibi aru ami apuni ke jawab dibo; ami apuni ke achurit achurit kotha khan kobo jun khan apuni iku bi najane.