AUGUST 30 – HAMAR ANKI THAMAR VUMPER CHA

2 Dinavruthanth “Maaro Dev Thu hunen nasab karesnike? Hamar vumper aarejako yee moto Malavethi laday marena jamar butha veni; kai karnukathoi hamen maaleveri konthi;Thuj hamar gathi ven chi kethanu prarthana kido”.

Yehoshqpath kajako yek Yudayaro raj. Yee raj Deven Prem karatho, Dever vumper viswas Melmelotho. Ammoner janneyhin ann Ammoner agal Bagalevalithi vairee vethanu laday karen aayejamma Yehoshapthen kai karnuko malamvikoni. Vor dall ghabrayen shuroo vegi.

Lapan Yehoshqpath Deven dekhan prarthana kido, 2 Dinavruthanth 20:11, 12 Vachanema dekhancha, Thu hamen Swathathram karlo ken dinojako Jammimathi hamnen bhaar begadenu kethanu vo hamar vumper aathanu hamen kassek halath karnu kerechko nanjar mel. Maaro Dev Thu hunen nasab karesnike?

Hamar vumper aarejako yee moto Malavethi laday marena jamar butha veni; kai karnukathoi hamen maaleveri konthi;Thuj hamar gathi ven chi kethanu prarthana kido. Yehoshqpath Deven deklen hannoj rego koni lapan Yuda valun seni peten marlen prarthana karnuken dabda marayo.  Ye aaten samlejako seji Dever dai athanu vinanthi karelage(2 Dinavruthanth 20:3, 4) .

Maar premer bai bando asso velar dadema ann thar butha Hathayenijako kunsi samasya red Thu ann thar gharwaal se bhalan peten marlen Deve sam dekhan prarthana karnu. Janna Dev samlan jayamero jeevano dacha.

Yek ghano halath Vegijako Katmaleper daagijogir kaam karamelethe , von malam karlen vu katmalo saarij theen daad peten marlen Dever sam dekhan prarthana kide. Hunethi bhalan gharema Palrejako kuthran sibbi sada vupavasethi prarthana ma bhale. Janna Dev hunder vinanthi samalan ghano moto samadan dino jethi but katmalo daagogir Kaamethi chudage.

Yehoshapath saha yeej kaamkido, Dever sam dekhan vupavas rethanu prarthana kido. Athrajkoni Yudavaal se bhalan aradhana karan Deven stuthi kide janna Vairi vo hunema voj marlen marge.  (2 Dinavruthanth 20:22) . Premer Dever beti betavo tham sada katmalethi bhalan vupavasethi prarthana karo jannaj Dev jayamero jeevano dacha.

Aajer Dever vachan; Geeder Grandh 46:11 Phojer BHASYA YAHOVA apaner saath cha; Yakober Dev apaner aasro cha,