Aug 28 – Rasta te apuni aha homoi te!

Acts 9:17 ananias Saul thakia ghorte jaise, tailaga hath Saul uporte rakhise. “Saul bhai,” tai koise, “Isor amike pathaise; Jisu nije, jun, apuni iyate ahibole poila apunike lok korise. Tai amike pathaise kile koile apuni arubi sabole pabo aru Pobitro Atma ke pabo.

Ananias pora ekta zaroori kotha apostle Paul ke koise, “rasta te apuni aha homoite”. Isor pora rata te rokhai she jitya Saul pora digdar dibole ja homoite. Tai jitya Damascus laga usorte jai thakishe, achanak ekta ujala ulaishe swarg pora. Itu homoite hi Isor pora Saul ke Paul banaishe.

Apuni kuntu rasta te ase? Apuni Isor laga bacha khan laga khilaf ase aru Isor ke mon biya lagai diye? Apuni shrap  laga rasta te berai ase? Isor apuni rasta majete ahi kene apuni laga rasta thik kuribo.

Ekta kokai dubai jabole laga bhabna kuri thakishe poisa kamabo nimite. Jabole laga olop din homoi te, tai laga dost laga ghor Chennai te jaishe. Utu homoite, taikhan mili kene beach te utu rati te prathana jabo le bhabna kurishe. Utu kokai taikhan logote jaishe. Tai khan jitya gherau kuri kene prathana kurishe, pobitro atma tai khan logote ahishe.

Itu kokai jun dubai jabole bhabna kuri thakishe, tai bi pobitro atma pora bhorta hoi kene bishi ghonta tok tai logohte thakishe. Itu pichete ki hoishe, itu manu jun hi jabo dubai koi kene bhabna kuri thakishe, tai mon bodli hoi kene pura homoi Isor laga kam kuribo koi kene bhabna kurishe.

Apuni laga rasta Isor ke dibi. Tai titya  apuni laga rasta bhal kuri dibo. Itu ekla nohoi kene, Isor apuni laga sob rasta te ahibo, aru apuni ekla kitya bi naberabo.

Moses pora tai laga bacha khan ke morom pora koishe, Deuteronomy 1:31,33 aru balu laga paharte korisile. Apuni khan dikhise tai kineka pora apuni khan ke bachai kene itu jaga tok anise, thik jineka ekta baba tailaga chokra ke buki kene ane. apuni khan camp banai kene thakibole laga jaga koribole nimite laga age age jai thakilebi. Apuni khanke rasta dikhabole nimite, tai jui laga khuri hoikene ratiteapuni khan laga age  agete jaise aru badal laga khuri hoikene dinte jaise.

Oh Isor laga bacha khan, judi Isor laga rasta pora hati jai mon beya lagi kene. Apuni chinta kure ki apuni itu pora ulabo pare na napare. Wapas ahibi Isor laga rasta te asha thaki kene. Tai hi apuni ke pobitro laga rasta te dikhabo.

Aji bhabna kuribole laga pobitro kotha tu hoile, Isaiah 52:12 itu bar apuni khan bisi joldi charibole nalagibo; apuni khan polabo kosis nokoribi. Apuni khan laga Isor Jehovah apuni khanke cholabo aru sob phine pora apuni khanke bachai kene rakhibo.