Aug 27 – Isor laga Chaya laga ujala!

Psalms 4:6 bishi manu ase jun koi, “kun pora ami khan ke bhal dikhabo?” Isor, uthai dibi apuni laga Chaya laga ujala ami khan uporte.

Ami khan Isor ase jun hi ami khan ke sob bhal saman khan tu bhal pora diye. Ami khan tu prithibi laga manu nishina dukh nakuribo lage jun koi, “kun ami khan ke bhal dikhabo?”

Isor tu amimkhan karone rasta dikhai diya hi thake kile koile ami khan tai laga manu ase, jun hi iku pora napungcha nathake. Jeremiah prophet pora koi, Jeremiah 10:10 hoilebi Jehovah tu hosa Isor ase; tai tu zinda Isor ase aru hodai din laga raja ase.

Ashirbad tai khan ase, jun hi Isor ke tai khan laga dankorta mane, jun khan tai laga morom tu janishe, jun tai laga rasta te berai aru jun laga mon tu ujala hoi jai Isor laga chera laga puhor tu dikhi kene. Pobitro kotha te koi, Deuteronomy 33:19 tai khan manu khan ke mati kene paharte; tate bali di thake sapha hobo karone; itu karone samundar laga ashirbad tu lobo pare aru balu bhitorte dhon thaka khan.

Isor jun hi tai bacha khan ke mon bhori kene khilai thake, tai hi amikhan ke samundar nishina ashirbad dibo itu prithibi laga. Aru balu bhitor  te thaka laga dhon khan lobule dibo. Tai itu dhon khan prithibi laga manu pora lukai kene ase hoilebi dibo tai laga bacha khan ke khuli kene.

19th aru 20th century khan te bishi inventions ula tu hoile Christian manu khan pora hi thakishe. Tai khan tu Isor laga manu thakishe aru jitya tai khan prathana korishe, Isor pora taikhan ke rasta dikhaishe. Jitya ekjon pora mon khuli kene Biswas kure  aru tai ke bisare, Isor ppora tai ke gini bo napara laga  gyan aru budhi diye.

Prithibi te America laga scientist khan hi sobse poila thakishe jun hi moon te jabole parishe rocket pora aru tate theng dibole parishe. Itu astronauts khan tu tai khan logote bible loi jabole pahoranai. Itu karone Isor pora tai khan ke kitya bi naharabole laga naam dishe.

Oh Isor laga bacha khan ki apuni khan gyan aru budhi te kom ase? Isor ke aji sabi. Pobitro kotha te koi James 1:5kunba dimag lage koile, tai Isor pora pora mangibi, jun taike dibo; kilekoile Isor jitya diye tai bhal pora aru bishi diye.

Aji bhabna kuribole laga pobitro kotha tu hoile James 1:4 jitya apuni khan dukh pai ase, mon te takot loi kene bhabi bi jneka hoilebi itu dukh ke apuni khan buki kene par kuribo, inika hoile apuni khan kitya bi naharibo.