Aug 25 – Kimti pathor!

1 Peter 2:4,5 Isor usorte ahibi, utu zinda pathor usorte, junke iku bi kam laga nohoi koi kene manu khan chari dise hoilebi Isor utu  pathor ke bishi dam laga ase koi kene loi loise. Ekta zinda pathor hoi kene ahibi, aru nije ke atma laga mondir  banabole nimite didbi, jun jagate apuni ke Isor laga puja nimite Jisu krista lagan am pora cholabolhe paribo.

Jitya kimti pathor koi, hira, billi suku nohoile lal pathor manu toh itu hi bhabna kuribo. Hoilebi itu pathor khan te toh jibon nai. Jibon nathaka saman tu ki kimti hobo. Paul apostle pora itu verse kimti pathor toh koise hoilebi itu tu Jisu ke hi koi ase. Isaiah 28:16 itia pobitro Jehovah inika koi ase, ami zion te ekta bishi takot thakia aru bishi dangor dorkari pathor lagai ase tate ami ekta mozbut dorkari pathor rakhi ase jun uporte likhi kene ase Biswas thakile rukhibole pare. Jun pora Jisu morom kure Biswas kure taikhan karone tai hi kimti pathor ase.

Pharisees aru sadducees khan pora Jisu krista ke lua nai. Jews khan pora taike krus te hali bole karone chillai she. Tate laga scribes aru priests khan pora taike tate laga sorkar logote didishe. Taike bishi pora thukraishe  hoilebi tai ami khan laga Biswas laga jar  ase.

Oh Isor laga bacha  khan apuni khan bi Jisu ke hi apuni khan laga ghor laga mazbut khuti banabi (pillar) jitya apuni Jisu laga kotha uporte thakibo apuni bi ekta kimti pathor manu lobo mon jaa inika hoi jabo. Apuni laga jibon tu itu chutu prithibi te ekla thaki kene khotom nohoi hoilebi itu jibon tu swarg te hodai din karone thakibole ase. Aru apuni ekta kimti pathor hoi kene Isor laga suku te swarg te thakibo.

Revelations laga kitab te swarg  nishina Jerusalem ke kinika banaishe itu di ken ease. Pobitro kotha te koi, Revelation 21:19 utu taun laga foundation bera khan tu dami pathor pora banai kene ase poila khuti te jasper pathor lagai kene ase. Dusra sapphire pathor di kene ase tisra chalcedony pathor aru chautha te emerald pathor di kene ase. Revelations 21:11 aru   Isor nisina sundor hoikene ujalahoi ase.

Jitya Solomon pora mlondir banaishe, tate  laga pathor khan ke thik te kati kene lagaishe. Inika hi apuni ke thik pora banai kene rakhi bole ase, Isor pora hi apuni khan ke dukh digdar khan te bhal pora bhal banai kene jabo. Aru new Jerusalem te apuni ke kimti .pathor nisina rakhibo.

1 Corinthians 3:10, 11 isor amike dia saman pora ami ekta bhal mistiri nisena ghor laga dhalai dise, aru itia dusra manu banaise. Hoilebi sob mistri khan banabole homoite hosiar pora banabole lage. Isor jisu krista ke itu ghor laga niche lga pathor banaike rakhise, khali tai hi ekla ase, dusra kunkebi iyate rakhibole naparobo.