AUGUST 25 – GHANO MOLER BHAATA

1 Pethru 2:4, 5 “…Dev taalli dojako, moleran, jeevro jako bhaata, Yajaker Pavithra malayer nai bhandan arejako”.

Ghano moler bhaata katho kenthoi kai Hardavach katho vajra, rupo, lapan hinema jaan cheni. Ye jaan chenijako bhaata ghan moler kai koni. Apostle Pethru yer bage kerocha. Yeshaya 28:16 vachan kacha Vuj Messiya bunadir mularo bhaata vencha. Kunvatho Von Nammachako hunden sada ghano molero bunadir bhaata dhakal karacha.

Pharisayavaal ann Saddukayavaal Yesu Christhun Mathakelde. Yudayavaal Yesun siluvan maro ken barkaye. Shashthrivo ann Yajak bhalan Yesun Roma sarkaren havaal karnake. Yesu yek mular bhatarnai Bhande vaaluthi Matha keravathoi Vu thaar Viswasamen ghano molero bunadir bhaata ven cha. Thu sada Vo baataper vasero Dever ghare nai bhandan vaseja.

Maar Dever beti betavo thaar jeevenema Yesu Christhu kajako bunadir bhatathi Bhanda vastho thon sada ghano molero bhatarnai karnakacha. Thar jeevano ye lokema Thodasekethi puro veni. Vu Shashwith Jeevanethi Shashwithvagi ghano molero bhatarnai kannai rejavacha.

Dharshaner Grandhema lakkan cha, kukan swargema Yerusalem bhandhavacha. Vachanema haano cha( Darshaner Grandh 21:19) Sherer beether bunadi se soli tharatharar moler bhaatathi sangamele. Hannoj Darshaner Grandh 21:11 ,  Vor jhankani ghano moler rathanamer kankrarnai, dholosaph jhankaju vajaler vajramer kankrar nai ra. Voj Dever Pavithar maayima jaayer vatema ghano moler bhaata ven racha.

Solomon Devalen bhandaro janna ghano moler bhaatan cholathanu , nankis aakarmema thodathanu bhandervasu layech. Vooj thara thon sada vo swargema ghano moler bhaata ven rervaasu vela bhaveti, kaklothima lejan thodan samor karan kannai Seeyon kajako Navvo Yerusalemema rakhadacha.

Ajer Dever vachan I Corinthivalun 3:10, 11 Manna Demelojako Dever krupar nai, akkalethi Ghadevalernai punadhi ghalo,; vujjeko voper bhandacha, haryek voper kimkim bhandachkan jathaneyhi deklenu. Ghalan chajako punadhi sava dusaro bunyadi koyithoi ghalsakkeni; yee bunyadi Yesu Christhuj.