Aug 24 – Khulibo!

Deuteronomy 28:12 isor pora apuni khan nimite tai laga dhon khazana khan swarg te thaka khan khuli dibo, apuni khan laga mati te borokhun pani dithakibole, aru apuni hatha laga sob kam ke ashirbad kuribo.

Deuteronomy laga 28th chapter te suru pora 14th tak asirbad laga kotha likhi kene ase. Itu sob asish khan tu hosa hobo apuni laga  jibon te judi apuni Isor laga kotha mani kene thake. Ekta bhal ashirbad yate likhi thaka tu ki ase koile Isor pora tai laga dhon khazana, swarg laga ami khan ke khuli dibo.

Bhabna kuribi apuni ekta dhon manu laga ghor te modot mangibole jaishe. Aru tai apuni ke dorkar laga poisa dishe. Aru judi tai bishi bhal ase tini hoile tai apuni ke sona aru chandi khan bi dibo.

Hoilebi Jisu krista jun hi bhal pora bi bhal ase, jun hi khemai kuribole sobse age ase, aru jun hi taike modot mangia manu ke kitya bi khali hath napathai, tai pora hi apuni khan ke tai laga dhon khazana khuli dibo. Hoilebi tai laga homoi te. Apuni junk am te hath dibo, itu sob ashirbad hovo.

Judi apuni Isor ke apuni karone swarg khuli dibole mon ase, tini hole apuni bi apuni laga mon khulibo lagibo, dukhiya khan karone. Apuni bi inika hi mon khuli kene dukhiya manu khan ke modot kuribo lage. Judi apuni apuni laga kan bon kuri diye dukhiya manu khan karone tinihole Isor bi apuni karone kan bon kuri dibo.

Ekta Isor kam kura manu kidney laga problem hoisilearu taike hospital te loijaishe. Utu homoite tai laga ilaz tu chuli thakishe aru tai ke prathana ghorte anishe. Hoilebi tate pungchi kene tai laga gau  tu bishi biya hooi jaishe aru taike hospital lloi jabole ulaishe. ​Taike loi jabole gari lagi thakishe. Tai laga khandan khan modot bisari thakishe. Taikhan ekta dhon manu ke gari mangishe. Tai tu dibole mon nathaki kene dishe. Hoilebi tai laga maiki pora gussa uthishe tai laga mota ke aru itu pichete mota tu sorom lagi kene nadibo koishe.

Itu maiki laga mon tu bon thaka pora mota laga mon bi bond hoi jaishe. Kinika Isor pora inika manu karone swarg laga dorja khulibo. Oh Isor laga bacha khan dibi aru apuni ke bi dibo.

Aji bhabna kuribole laga pobitro kotha tu hoile Deuteronomy 29:9 itia ki niom cholai kene itu kotha milai kene rakhi ase itu khan ke biswasi hoikene mani kene thakibi, tini hoile apuni ki koribole jaile bi pari jabo.