Aug 23 – Bandhi kene thaka pora azad!

Jeremiah 40:4itya ami apuni laga hath pora loha laga rosi khan ke khuli di ase aru apuni ke chari dise.

Aji laga homoi te Isor laga manu khan bishi nadikha rushi pora bandhi kene ase. Kunuba manu dhar laga rusi pora bandhi kene ase. Tai khan mon khuli kene girja te dibole mon jaile bi dhar pora bandhi thaka pora rokhai diye. Kunuba pora ghus kha laga rusi pora bandhi kene  ase. Itu pora tai khan ke hosa Christian hobole nadiye. Aru kkunuba khan tu shrap pora bandhi ken ease, itu nimite tai khan kiman mon di thakile bi napungcha hoi jai. Aru sob kam te haar hi pai.

Hoilebi Isor apuni ke aji ekta kosom di ase. Isor jun hi iman Shakti aru takot ase jun hi itu prithibi banai she aru itu prithibi khotom kuribole bi takot ase tai pora hi apuni khan ke loha laga rusi pora bandhi thakile bi khuli dibole ase.

Oh Isor laga bacha khan, apuni khan jani ase apuni khan keki rushi pora bandhi ken ease. Isor ke khuli kene kobi ki ase. Upwas lobi ek hapta te ek din karone hoilebi ar nijor ke itu bandhia pora azad kuribi. Apuni khan ke bandhiya tu ki bi hobi Isor sob tu bhangabole pare. Apuni ke Isor pora dur kora laga, komjur mon aru kisim kisim laga dukh hobi, Isor tu bishi takot aseitu khan sob ke bhangai dibole.

Satan pora bishi manu khan ke bandhi kene ase. Bishi manu itu karone ministry kuribole napare aru sapha jibon bi thakibole napare. Tai khan itu karone Isor ke sob dibole napare.

Luke 13:16yate ekta maiki ase jun Abraham laga khan dan pora ase aru tai ke satan atharon sal pora dhuri kene rakhishe; tai ke Sabbath din te chari dibole nalage? Amen. Tai tu Abraham laga khandan thakishe, ekta chuni lua laga, ekta biswasi junke ashirbad ase khandan pora hoilebi tai satan ke jaga dishe taike banhdi rakhibole nimite. Jisu christa pora hi take sob bandhi kene rakha pora azad kurishe. John 8:36 chokora apuni ke azad kuri  dise koile apuni hosa pora azad hoise.

Tai jun hi apuni ke azad kuribole takot ase tai hi apuni logote hodai din thakibo. Aji tai ke sabi aru prathana kuribole shuru kuribi. Psalms 50:15 digdar paa din khan tea mike matibi; aru ami apuni khan ke bachai dibo aru itu nimite apuni khan ami ke morom laga dhonyabad janabo.

Aji bhabna kuribole laga pobitro kotha tu hoile 2 Corinthians 3;17 itu jagate Isor laga motlob ase atma aru jun jagate Isor laga atma ase, tate iku bi bandhi kene nai sob khula khuli ase.