Aug 23 – Sikirdilangan saring Anuran!

“Bar nami gija, hen s’i-ling-nam a dakulen a sikirdilangan saring anuran tiytam” (Jirimiya 40:4).

Nami, Kitungan a mandranji a d’ong sikirdi batte kuddub lingan antonobad dakuji. Bute bute ate jajan a sikirdi batte tanolbad dakuji. Delejangan aninji Kitungan a bara lumle dakuji, sikirdi a d’onganji tolbanle dakule. Bute bute ate lakso ajanaben a sikirdin batte tanolbadan deleji. Kan ambrij Kristun a mandrengna amanglinganji daku. bute bute ate anagan do asanaisajangji agaja adnojoraie. Ite lumlejija daina adhangaji.

Bindo, Kitungan jzbjzb-benten nami. Ayengan a Kitung kuddub tanolbadanji abaldungte anin nami abluben abmele gamte, “hen s’i-ling-nam a dakulen a sikirdilangan saring anuran tiytam.”

Tanahimdam Kitungan a onagji, amben sattang agalamte iten a sikirdi batte tanolbadan dele. Barij mona batte Kitungan amang pingbaba. Anamling garbernaba bo pali-lingan bo denna eteden sikirdiben aldungte. Iten delejanang, Kitungan amang saring sagai daku orde er tuul orde kanalkal dakuleja, Kitungan sattang abaldungte.

Sonuman ateng mandranji a d’ong tolbadle dakule. Ateng mandranji Kitungan a bara lumle adraptieji orde kana san aninji marid loge dakule araptieji. Itsumleji ja Kitungan abmele royongan tiyle araptieji.

Jisun gamete, “Bar gijba, miggal-tudru minhum sikkoi janang duaih suman kan insalon a d’ong tolbadeten. Anin Abraam ansalon a delen asan, laywmna dinna lingan kan tanolbadan saring anuran a hangben adde-epo?” (Luk 13:16). A jardina Anin aboi Abraam ansalon, a birinda saring, bangsa anablu do janzbjzb beran a dane hangle bindo anin sonuman a d’ongan tolbadle dakule. Jisu Kristun sikirdi abaldungle do anin anablu hangle. Bibolan gamte, “Anten asan bogad a Onan aburnalabenanden, amben a jardi na anaburdamnan a dete” (Jon 8:36).

D’ongben abluben asan butente mangben dakute. Nami, a mang gijgijba do garberan susuba amangba. Garberle gamba, “Kitung, asun saring abluhin, bandrabhen, duanhen, er tuduhen do kan kudduban asan garbeling adraptiai.” Anin d’ongben ablute. Jisu Kristun gamete, “Angante kanalkalan yertai d’ong-Hen gudingihba; Hen d’ong-ben ablutai do amben d’ong-Hen abgugute” (Sanenken 50:15). Ijapo?

Kinolbe absele: “Gamangtungan Janggardan na, do uante Gamangtungan a Janggardan dakuten, tetten anuran daku” (2 Korintia 3:17).