Aug 22 – Apuni laga pura takot loi kene jabi!

Judges 6:14 tita Jehovah tai phine saise aru koise, “apuni laga pura takot loi kene jabi aru Israel laga manu khan ke midian jati khan pora bachai dibi. Ami nije apuke paithai ase.”

Apuni khan ke takot laga kotha ki dishe isor laga Isor pora? Iku bi nohoi hoilebi, apuni laga pura takot ke koi ase. Hoi jabi aru Jisu krista laga nam lloi kene. Jehovah apuni logote thakibo. Tai aru tai laga Shakti apuni logote thakibo. Apuni khan rukhia laga din khan tu khotom hobole ase.

Aji bishi manu khan pareshan ase. Ekdin Gideon bi inika hi pareshan thakishe. Itu laga karon tu midiantes thakishe jun hi tai khan ke cholai thakishe. Tai khan ji bi kure hodai din tai khan laga dushman laga bhoi thaki  kene kure. Gideon bishe pareshan thaka homoi te itu bhabna kurishe, “judi Isor ami khan logote ase toh kile bhoi khabo lage? Kute ase itu achurit Isor junke ami khan laga bura bab khan pora kotha koi thakishe?”

Dukh aru digdar tu apuni khan laga jibon te ahibole hi ase. Itu prithibi te sob manu dukh tu dikhibole hi ase. Hoilebi itu dukh te Isor pora apuni khan ke hodai din karone narakhibo. Judi bi ekbar homoi karone apuni bhabna kure ki Isor apuni ke nadikhe, tini hoile bi Isor apuni logote alag pora morom kkuribole ase. Jitya Gideon tub hoi te thakishe, Isor pora taike takot dishe, “oh takot thaka manu “ mati kene. Jity Gideon tu tai komjur ase bhabna  kuri thakishe, Isor pora taike takot dishe aru koise, “apuni laga pura takot loi kene jabi”.

Ekta bishi chalak kotha satan laga ki ase koile tai tu manu khan ke bhoi lagai diye:biya homoi laga; dukh digdar laga; aru aha din te ki hobo itu lga. Inika bhoi khilai khilai Isor kam kora manu khan ke bhandi te aru tai khan kam tu komti kuri jai. 2 timothy 1:7 Iaor laga atma amikhan ke bhoi pabole nidie, ulat tai laga atma amikhanke Shakti, morom aru bhal dimag diye.

Apuni khan laga komjuri tu bhabna nakuribi. Kitya bi nijor ke komti bhabna nakuribi aru komjur hobo nadibi.  Isor ke sabi, kiman takot ase tai, tai apuni ke morom kure aru itu pora hi apuni ke takot dibo. Acts 1:8 te koa nishina jitya apuni khan logote pobitro atma ahibo, titia apuni khan Shakti pabo.

Oh  Isor laga bacha khan, pobitro kotha pora jitu Isor laga atma ase, tai pora  hi apuni laga mon, atma aru gau ke takot dibo. Paul pora koi, phillipians 4:13 Isor laga takot pora ami sob kuribole pare.

Aji bhabna kuribole laga pobitro kotha tu hoile Revelations 3:8 ami jani ase apuni khan ki kori ase; ami jani ase apuni khan logote olop takot ase; apuni kea mi ki hikai se itu khan ke mani kene thaki ase aru apuni khan ami nimite biswasi ase. Ami apuni khan laga agete ekta dorja khulise, juntu kun bi bon kuribole naparibo.