Aug 21 – Ahibi desh tu lobo!

Numbers 13:30 jun manu khan Moses ke bia pai kene kotha koi ase tai khan ke caleb chup kurai dise aru koise, “ami khan itia hi utu desh te lorai kuribole jabole lage aru utu desh ke loilobole lage; utu desh ke loilobole nimite ami khan takot ase.

Numbers laga kitab te 13th chapter te ami khan dikhi pai Moses pora 12 ta manu potha jasosi  kuribole. Tai khan pora kotha wapas ana tu hoile aji ami khan atma laga duniya te pa nisina ase. 12ta laga majote 10ta pora naparibo, it utu tan ase canaan laga mati ke loilobe, inika koise. Aru aji laga din te bi, atma laga pritibi te loilobole naparibo koi kene bishi manun pora koi thake. Aru inika manu pora hi ami khan laga kam ke rokhai diye.

Aru itu homoi te hi, pobitro kotha te poribi, Caleb aru Joshua laga kotha jun hi Isor laga atma loi kene thakishe. Tai khan nimite iku bi napara thakanai kile koile tai khan nijor laga takot ke nohoi hoilebi, Isor laga takot ke Biswas kure. Caleb pora hi koise, Numbers 13:30 amihan  itya hi utu desh logote lorai kuribole jabole lage aru utu desh ke loilobole lage utu desh ke loilobole nimite ami khan logote  takot ase.”

Aji Isor pora apuni ke India te rakhi dishe aru itu bi canaan nishina hi ekta promise land ase. Kinika ase apuni laga Biswas tu? Paribo na naparibo? Apuni khan itu 10ta manu khan nisina Biswas komjur ase na Caleb aru Joshua nisina ase takot ase?

Jity Isor pora pobitro atma ke dishe, tai Jerusalem aru Judea ekla karone diya nohoi. Tai koise, Acts 1:8 jitya apuni khan logote pobitro atma ahibo, titia apuni khan Shakti paboaru apuni khan amilaga kothake Jerusalemte, sob Judah laga desh khan te samaria aru itu prithhibi laga sob jagate koikene berabo. Jitya prithibi laga sob jag ate koishe, itu matlob tu India bi ase koi ase. Ahibi itu desh laga sob taun aru bosti khan te berabo Jisu laga kotha khan ke loi kene jisu pora apuni khan laga desh ke bi lobo mon.

2 corinthians 10:15, 16itu nimite Isor diya kam ke par kori kene amikhan dusra manu khan nisena phutani laga kam nokore. Amikha asa kori ase apuni khan laga Biswas aru bi bisi hobo aru amikhan apuni khan nimite aru bi bisi kam koribole paribo. Tinihole amikhan apuni khan laga desh pora bi bahar te jai kene gospel laga kotha kobole paribo aru dusra manu  khan koria kam ke sai kene  phutani nokoribo.

Oh Isor laga bacha khan, kiman deri tak amikhan laga desh tu andhera te thakibo? Kiman deri tak amikhan laga mannu khan biya laga Chaya te thakibo aru satan laga naukar hoi kene thakibo? Kiman deri tak ami khan laga manu Isor ke najani kene thakibo paribo? Itu ami khan laga kam nohoi tai khan ke Isor kotha hunai dibole? Itu apuni khan laga kam nohoi ki apuni laga desh tu Isor laga desh banaobole?

Aji bhabna kkuribole laga pobitro kotha tu hoile Philllipians 4:13 Isor laga takot pora ami sob koribole paribo.