Aug 20 – Enoch jun hi Isor ke khushi kure!

Hebrews 11:5 Biswas koria nimite hi Enoch moria nai. Isor taike uthailoise, aru kunbi taike bisari kene pa nai. Pobitro kitab scripture te koi kene ase; enoch ke uthabole agete Isor ke khushi kurishe.

Enoch pora Isor ke khushi kura jibon hi chuni loise. Itu loi kene hi tai logote sawal thakishe. Ami kini ka Isor ke khushi kuribo? Kinika Isor laga mon bhorabo? Aru ami kinika jibon thakibo jike Isor khushi pabo?

Biswas, hi thakishe, jitu Enoch loikene Isor ke khushi kurishe. Itu karone inika likhi kenease, Biswas pora hi Enoch morianai. Hebrews 12:2 Ek din Enoch pora Biswas kuri kene Isor ke dhurishe. Aru tai laga Biswas tu inika thakishe ki Isor tu ami laga Isor ase jun hi amike, moria tu nadikha agete ami ke loi jabo.

Enoch ke uncha kuria laga toh tai laga Biswas nimite hi thakishe. 1John 5:4 kile koile itu prithibi laga sob bacha khan itu prithibi ke harai dibole paribo. Aru ami khan laga Biswas pora itu prithibi ke jiti jabo.

Romans 1:17 kile koile gospel dikhai ase suru pora ses tok Biswas pora hi Isor kinika pora manu khan ke sapha kori kene tai laga usorte loi loisse. Pobitro kitab scripture te koa nisena jun manu Biswas koria nimite Isor laga agete sapha hoise tai hi bachibo. Ami khan laga Biswas hi ase ji pora amikhan ke mukti dibo, matthew 9:22, 10:22

Tai Isor logote berai thaka homoi te hi tai laga Biswas dangor hoi jaishe.kiman bi achurit kotha ase eketa manu pora Isor ke dikhi kene tai ke kotha kobo para tu. Itu Biswas karone hi tai Isor ke khushi kuribo parise, aru itu karone hi Isor tai ke loi jaishe aru tai moria tu dihanai.

Numbers 12:7 hoilebi ami laga naukar moses logote inika nohoi ami nije taike ami laga Israel laga sob manu khan ke sa loa koribole dise. Acts 13:22 taike  hata diya  pichete, Isor davidke tai khan laga raja hobole dise. Tai nimite Isor inika  koise, “jesse laga chokra david nisena manuke amike bhal  lage kilekoi le ami ki bhal laga tai itu sob kuribo. Job 1:8 apuni ami laga naukar Job ke dikhise, Jehovah hudise. Tai nisina biswasi aru bhal itku prithhibi te kun bi naitai amike hi puja kuri thake aru iku bi bia kam nokoribole hosiya kori thake.

Oh Isor laga bacha khan Isor bi apuni karone inika koile kiman bi bhal nahoi.

Aji bhabna kuribole laga pobitro kotha tu hoile Isaiah 42:1 jehovah koi ase itu ami laga naukar ase junke ami takot di ase junke ami nije bisarise jun logote ami khusi pai ken ease. Ami laga atma pora ami taike bhorta koridise aru tai sob desh te thik pora phaisla anidibo,