AUGUST 19 – Sathosh Padachayevalo Vishwasi

Dever vaath hannu kacha Vishwasam cheniju Deven santhosam Padachero veni( Hebrivun 11:6)

Thaaro Jeevanema agadi agadiyaro Deven santhosam Padacheroj moto kaam ven cha. Thu Deven santhosam karajanna Vu kannai thathi hamesha dosthi ven racha. Atho Abba ku Deven santhosam Padachavunu?

Agediyaaro thon vishwasam renu kaai vastu katho vachan kacha vishwasam cheniju Deven khushee karero veni. Thu Deven hanno ketho renu “Dev maaj thon vishwasam karrochu” Kethanu yeken Sohaptha thar mundema avanu. Vuj Vishwasamethi kriyama sada renu.

Vishwas ku avachako Bibilema lakkancha (Romavalun 10:17)  “Vishwasam kajako samethi avacha, voi Dever vaathen Samalathoj avacha”. Thar jeevano vishwasamema renu katho vachan pramukhyam.  Thu Vishwasamethi Dever saam dekhan thar bhojan seyni Vor hathema dastho janna Deven santhosam Karevalernai rech.

Dev preethin Dhakalen Abrahamema kai ditto? Vu Deven vumper vishwasam kareroj ken maalamkarrochu. Abrahamer gaali vachan kacha Romavalun 4:21..

Vu… Vishwasamema jor lelido. Deven mahima kartho, sogan khado jako vu von puro karacha ken dhallema vishwasam kido. Vor Vishwasamema theen tharar vethi Yek, Vu maar deham kaamdeni Sharar pet pedaveni ken mathema Ghaldinokoni.

Dee, Deve von kai kochko Von karenaj detto. Theen, Devema balam lelen vishwasamema bharpuro vetho jethi vu Deven santhosam layo.

Hapan se Abrahamer daakal Dever vumper Vishwasamethi Devenaj mahima kartherenu.

Ajer Dever vaath Hebruvalun 11:1 Vishwasam kajako Nammajersas sayan Dekhanijer rujucha.