AUGUST 16 – Soli Samor Vejavacha

(II Corinthivalun 12:9 )  Jana Vu Maar Krupa thon dher; kamjorema Maar jor Bharpur vejaye..

Thaar kamjorema Dev Vor Jorethi Thon bharpur karnakacha. Thodsek vagathema Dev thon samor karen kamjorema chalavu karach. Vela Avajannaj kunired Dever vumper Naverviye nathkan kuni Dever dhai ayeni, Deve Dikhalakako joren Krupan kalaleni.

Devaj thodsek kamjorema chalavacha kankren katho thu Vor joreper krupama renu ken. Apostle Paul kerocha, “vujji manna Dakayojako ghano Sreshtarvadi jada ma vuncho Karleniju, maar Jeevadama yek kanto den cha, manma moto Karlenijurena Vu manna Posadajako bhuter soja ven cha Vu manna chodan chetivena theen haptha maa Prabhur dhai nora kido”.

Yetha dekhatho Paulema vu kaanto Ghalojakonaj Dev. Paulen Dev jada darshan dino , hunen puro karerona vorema garab avanaju maj moto kaam kidochu ken Keleniju rervasu vo kaanten Glalmelocha. Dev kerocha Paul tharema garab motpan avanaju thon Maar Krupathi maar Jorethi bharan kaamkaraluchu.

Jesaru thu kamjoren thekhanaju Maar Krupan dhekh. Maar jor thaar kamjorema sammor karnakacha. Saasij Apostle Paul Dever jore vumper an Vor Krupan vumper mathramaj Adharpadmelotho jesaru Dev von Vor jorethi vadkam karlinocha.

Premer Dever beti betavo thaar kamjoren kannai dekhmath, ma soyen sohasso puro karnu ken kannai kelamatha. Kamjorema Rasthoyi thu Dever saaru ghano moto kaam kareja. Devethi sogan khan kathra Kai vathoyi maa Dever krupar vumper Vor jorer vumper mathramaj Adhar paduchu kethanu kanna kelechiko janna  thar sharirmema Dever jor bharathani thon sada Vor Seva saru vadkam karlacha.

Aajer dhader Dever dhyan kaikatho (1 Corinthivalun 1:27)    Genivuna laaj chutena Dev jagathima bana genivuna Tallidocha, joriyana laaj chutena Dev jagathima bana Joriyana Tallidocha.