Aug 15 – Pobitro Shanti!

Phillipians 4:6,7 tara tari eku bi nokoribi; aru apuni khan ki lagi ase itu prathana kori kene Isor pora mangibi aru paise koile dhonyabad janibi.

Jisu Krista hi ase jun ami khan ke pobitro shanti khushi pora diye aru sob dimak khan ke par kure. Tai hi ase jun apuni khan ke pobitro shanti dibo pare. Sobse bhal Isor lagan am ase “shanti laga raja”. Jitya tai prithibi te thakishe tai junke bi lok pai tai te shanti thakibi hi koise.

Pobitro kotha te koise ekta maiki thakise jun hi khun jai kene gau biya thakishe. Aru itu bimar tu tai laga gau biya kuri kene thakishe. Tai itu bimmar  pora 12 sal tak thakishe. Aru tai tu shanti harai kene thakishe.

Hoilebi tai ek din janishe ki Jisu Krista tu tai khan majote ahibole ase itu nimite tai bhir laga majote jaishe Jisu laga kapra chuile bhi bhal hobo koi kene. Toh  tai jitya Jisu laga kapra chuishe tai logote pobitro Shakti pora hi tai ke bhal kuri dishe. Pobitro kotha te koise, Mark 5:34 Jisu taike koise, “ami laga chukri, apuni laga Biswas pora hi apuni bhal hoise. Mon shanti pora thakibi arum on dukh narakhibi.”

Ekbar ekta biya maiki polai ahi kene Jisu laga theng  te girishe. Tai kandi kene Jisu laga theng ke tai laga suku pani pora mushishe. Tai laga pap khan iman bishi thakishe ki tai mon te shanti thakia nai. Jisu pora tai ke dikhishe. Luke 7: 50 hoilebi Jisu utu maiki ke koise, “apuni laga Biswas hi apuni ke bachai dise;mon shanti kori kene jabi.

Jisu Krista muri ja pichete, tai laga sob chele khan achurit te thakishe. Tai khan bhoi khaishe ki jews khan taikkhan ke dhuribo. Tai khan mon te iku bi shanti thakia nai. Itu piche Jisu tai khan ke dikhai dishe. Luke 24:36 utu duita chela khan utu koi thakia homoi te, achanak Jisu tai laga majete ahi kene khara hoi se aru koise, “apuni logote shanti rakhibi.”

Oh Isor laga bacha khan, apuni khan apuni khan laga dukh karone bhabna kuri thakibo. Jity apuni khan prathana kure, tai apuni khan ke tai laga shanti di kene sob par kuribo.

Aji bhabna kuribole laga  poboitro kotha tu hoile, John 14:27 shanti apuni ke dibo, duniya pora diya laga nohoi. Apuni laga monk e dukh kuribole nidibi aru bhoi khabole nidibi.