Aug 15 – Kitungdage a Sanabyun!

“Iteja abmele a kudidong, bindo kudduban abmele garberan, ganarmadan, do lanemsenan batte ganarber-benji Kitungan a d’ong gadlamba. Etteden Kitungan a itente a sanabyun kuddub ganalaman padte, antate Kristun Jisu lingan uggaran do anogandi-benji turturre rabrabte” (Pilippi 4:6,7).

Kuddublingan Jisu Kristun sattang mahai Kitungdage a Sanabyun tiylangte. Anin Kitungdage a sanabyun batte absittalangte. Jisu Kristun a d’ong anab himan dele ‘Sanabyun a Raja’. Agante Anin ordarlingan dakule, ogajangan a yireten ayamling do butejangan amainete ayamling, Anin gamete kuddub mandranji amangling sanabyun dakunete.

Gijtabe jaramim bimbimlingan a dakule a intslong. Agaja akatdabneten a bimbiman dakule. Anin miygalminum sikoija bibimlingan dakule. Doctoranji ja anadsamangadji. Anten asan, anin sanabyun a mandrengnaling absidle.

Bindo, bo denna, anin amdangle Jisu Kristun kun tagorban yirtai gamle do anin olamarlingan yire do asindre jable. Egale Jisu Kristun asindre jable, Kitungan a ranapti dunle a d’onglingan yirle do Kitungdage a sanamangan hangle. Bibolan gamte, “Bar Jisun anin a d’ong gameten, E insalo-on, derna-nam absamang-lam. Sanabyu lingan ma year, do rugam-nam saring sanamangan hanga” (Mark 5:34).

Bo denna pintu boijan abrijlen yiraite do Jisun a jingba tudunmle. Anin edaling do Jisun ajing gosodle amadda batte. A pintun do a ermaridan barijtadarngge dakule, do anten asan anin sanabyun yangben yiraiten. Jisun gijle ateng a kanalkalan. Anin gamete, “Derna-nam absamanglam. Sanabyun batte yira” (Luk 7:50).

Jisun Kristun akahiling atiki arakatdanglingan, kuddub ahangna maranji batongleji. Aninji batongan batte ogandileji judanji abkalkaltilenji gamle. Amangji sanabyun addakuead do danuka mahai dakule. Kun ayamling, Jisun gijtale amangbanji do gamle “Sanabyun amben ampara dakunete” (Luk 24:36).

Tanahimdam Kitungan a onagji, danukalingan amben pede adakute kanalkalanji batte. Agante a garberten kuddub kanalkalan Kitungan asi’ling surpidle, Sanabyun batte barij abmebenten kuddub lingan.

Kinolbe absele: “Hen amben ampara sanabyun umdrengtai. Sanabyun-Hen tiytaben. Engale ordaran tiyte, ettegoi Hen attiyai. Uggar-benji galaih piyaihge dedongete, orde bantongdongete” (Jon 14:27).