AUGUST 13 – Sthuthi karajema Anand

(Geeder Grandh 33:1) Niyathedhaar tham YEHOVAMA Anand karo;sthuthi karer saspanena chajacha.

Yekvela dukh kajako dhokhen lavacha, jeevaner dhaden haalkarnaken kamm karacha, anand kajako Mannermar dokkhena dhavaarnai kaam karacha. Santhmero mann dhokhen kanakacha, thaar mundo jhankan jeevanero dhaad jada karacha.

Yek vidhyik cancer rog maninkyama kuavacha ken paricho kido. Vor parichoma Bharpadijako kaikatho jeevanema avajako bhulervenijas Velabhavetij ye rogen agadiyaaro jadvencha. Atharajkoni vajji achanak katmalethi Dhoorvethanu bhavetima chajako, dhanithiko Gvannithiko kai mosaro kaam chalamlathoi,  vyapaarmema thoi jammima thoi Budgevatho Yesseythi manikyar sharirmema bheemari vethanu  Choyetui Attar meenarmai Cancer kajako rog thayyarvacha. Yek sasij Anand kajako Nachkudhan Deven sthuthi karajema racha. Kanna thu puro dallethi Deven sthuthi karechiko Janna velarosoch sey thathi chetivethanu Dev vor Prasnnathethi thon gheranracha. Dever pakodama apanen vaaruvacha. Havakonike? (Malachi 4:2)

Thu parabhathi parabhathi  Dhallermaithi Santhoshmethi an hastho vuncho vutnu. Stuthiro vacha thu vasastho Dev vor Prasnnathethi thon buaracha. Har yek dhad thu vutan hanno kenu, “Yee YEHOVA banayoiako dhado cha. Yema apan Anandethi khushee kara”. (Geeder Grandh 118:24)

Hanuu karatho vu Dhadosari thona anandaj. Khusheethi hasarojako mundethi Deven araadhana kanrnu an naach kudhan sthuthi karnu. Dever vachan kacha, Janna apner mundo hasanithin apaner jeebh anander aatethi bharan ra, Janna YEHOVAH yindervaas moto kaam kidocha kan Permalkevaal vundema vaathe karlide. (Geeder Grandh 126:2) .

Devema anand paayeroj thamaar jor vencha. (Nehemiah 8:10). Jorevalo Christhu tharo hath jalmelocha thu viswaas karnu athraj. Tharo puro jorethi yee vaathen kevukarnu, “Manna Jorkarevalethi ma solin karuchu” (Philippivalun 4:13)

Maar premer Dever betibetavo tharo haathen vunchopadan Deven sthuthi karo. Tamar hathen pavithar jaagesam Vunchokaran,YEHOVAN sthuthi karo (Geeder Grandh 134:2). Yij Santhoshmethi kannai thi Dever dai renuken Dev asha karrocha.

Aajer dhadero Dever vaath:- “Dharathir sokalilok, YEHOVAN anander geed bolan sthuthiro geed gavo. (Geeder Grandh 98:4) .