Aug 14 – Gamangtungan amangling M’oihnaba!

“E tanimyim boi, aman man’oihadam do man’oihan abmeben asan yan a langgidam” (Solomon a Kanen 7:6).

Jisu Kristun tanimyim marben. Anin aboi sitrungmarben mandrengna lingan. Anin sedabenten aboi sidrungboi ambrij a mihaman batte.

Anlen anin ampara d’onglingan delai bo d’ong do bo ajangan dele anten asan anlen anin ate. Kani na aboi surda beran, bindo Hen a oblingtaihen aberna Kristun do Sarebasingan” (Episi 5:30,32). Anappai pol gamete.

Kitungan tanimyimam sattang absuijeten ate ted bindo tanimyimam batte gudingaite “E tanimyim boi, aman man’oihadam do man’oihan” agante gijtabe Solomon a Kanenan, a rabangtaben aberna Anin ateng man’oihan batte bigrda bigrda aberna batte gudingaiten. Tanimyiman batte gamete, “Tanimyimhen, langgidam boihen, Kukurhen, kanina ate, sidrungboihen do raniboihen.” Kan ambrij agudingben Kitungan yan abanangsa? Kan asan m’oihnaben dete.

Amang lingan m’oihnaben dete. Kristun a d’ong abm’oihben dete. Man’oihlingan yanaben dete. Bibolan gamte, “Bar janang Gamangtungan amang lingan m’oihnaba, etteden Anin j’e-ben a itsumanji tiyte” (Sanenken 37:4).

Bo buhangan a yangan amangling erdanisam tanimyiman dakule. Anin adesalingan dakule do iyeten a yangan amang. A yangan abmele ateng samana hile do lebu appaile dile angai. Bo dena, a sango ual-le iten do diyne timyimte yangnam?

Kun buhangan adyerbereten, “yanghen dangrda ayamling anin ateng kanalkalan batte sagaling. Hen ateng abedanalai kun ayam. Hen a d’ongan tutlaidam. Ateng ayam, ababan tudle edaneten. Erbangsa anabhanahen dakuleja adnogandead, anin timyimle do garberlen. Asanahaman batte, hen ranapraban hanglai do janababan batte Kitungan a baralumle daku. anten asan, kun ayam aberna ayimle yanghen ad’ong sayamtai.”

Tanahimdam Kitungan a onagji, yan abangsa kan ate Kitungan ad’ong a m’oihben! Jajing ayam saring danuka batte saibenten! Amben agante akaridale orde anogandead Anin saibenten. Yan murda kan ate abm’oihben abmele! Tanahimdam Kitungan a onagji, amben dile todong m’oihnaba Kitungan amangling.

Kinolbe absele: “M’oihdage a j’en bangsa regaman, bindo palang janggardan j’anganji abasarte” (Bangsa Hanang 17:22).