AUGUST 12 – Devajema chajako khushee

(I Pyanadader chalijako granth 29:9 ) Voseey puuro dallethi Deven arpan dine Jergaali vo puro dallethi dinejervaas malavosey khushee kidecha.

Demajema kannayi khushee racha. Deven hannu dajanna von SOHASSO dacha. Jethi thu kanna dasthohi puro dallethi an khusheethi denu.

Yekdhadeper maar baap gallimachalan jarotho vor vaatema yek Deversevak saamu malo. Vu  Dever sevak maar baapen maalamcheni, vu Dever sevak maar baaper dhayi aathanu kam molema dhaan kunas hotalema maliya ken pucho. Vor vaathema pisa kamma  chakaiko kan maar baapen malam vegi. Janna maar baaper dhai  chajako pisansen bhaar kadan vo Dever sevaken dithanu hannu ko, “maa sada Dever sevak chu thu sada vor kaamenaj karrochi. Jervaasthu ma thu hacho dhaanen khavanu ken asa karrochu”. Yeseey vaathen samalan vuu Dever sevak agadiya matho keldo lapan pharan kruthagnathethi lelino.

Vu Dever sevak vojagen chodan jayessathi maar baaper dhallema ghano khushee vegi. Vorpacha vu daadosari maar baaper arajkarero vagathem Dever prasannathen jaada anubhav kido. Dever sevak dajakko kairathoy vu Devenaj khushee lagacha. Deven demaj thon ye dharthiper ghano moto ashish. Yesu baapu ko, “hannu kasthta karan jorchenijen maddath karena, lajethi dajako nasheeb”(Aposthaler kaam 20:35) . Vorpacha yee kaam gano manoharer suvanthen devalcha. Aposthaler sevama Philippivaal hunen hathavjathra madad kide, vo arpan dinejanna Paul khushee kido.

Yervaasthuj Paul khushethi yee vaath kacha, “soli manna labgocha Bharpur sada vegochu. Thamathi demelejena suvanther vasernain Devena khatharer beternai Ephaphrodithuthi aayojena mann lidojethi ma dhapgochu. (Philippivalun 4:18). Premer Dever betibetavo Deven dharalavagi  devnu. Vu asmaaner  jarnaal vogadacha. Asmaanen vogader katho thon hajar hasso asheesh karero. Athra ghano moto  khusheena lokamema koyibee deni lenisada.

Ajer Dever vaathen vancha:- “Pan swargema thamarvas dhannena gola karlo, votha adoyee ko chileem ko haal kareni;votha choryavej padan choreni ” (Mathayer aachkhabar 6:20).