Aug 12 – Daan kura laga khushi!

1 Chronicles 29:9 manu khan khushi hoi kene Jehovah ke  dise aru iman bisi dibole parise koi kene tai khan sob bisi khusi hoishe. Aja David bi bisi khushi hoishe.

Daan kura tu hoile ekta alag khushi ase. Aru Isor ke diya tu hoile hazar guna bishi khushi ase. Apuni kitya daan kuribo itu karone mon khuli kene kushi hooi kene dibi.

Ekta samte ekta manu rasta te berai thakia homoi te, ekta pastor ke lok paishe ahi thaka. Tai tu manu ke najani thakishe, aru itu pastor pora itu manu ke hudishe judi usor te kunuba bhal hotel sosta laga ase na nai khabole nimte.

Itu huni kene itu man utu buji jaishe ki tai tu hoile poisa komti thakibo pare. Itu karone itu manu tailaga pocket thaka sob ppoisa ulai kene itu pastor ke dishe aru koishe ki, “ami tu Isor laga naukar ase aru apuni bi inika hi ase. Ami tu apuni ke bhal pora khan akhabole dibo mon.” itu pastor pora poila tu lobule sorom lagishe hoilebi bishi kua pichete tai pooisa tu loishe aru bishi khushi hoi kene dhanyabad kurishe taike.

Itu pastor tu ja pichete itu manu laga mon tu alag popra khushi hooishe. Itu rati te hi tai prathana kura laga homoi te, tai tu Isor laga atma ke mehsoos kurishe khushi pa. jitya Isor laga bacha khan manu ke modot kkkure aru khushi pora diya, Isor laga mon tu bishi khushi hoi jai. Aru manu ke tai dui guna ashirbaad kure.

Isor karone daan kkura tu hoile sobse dangor ashirbad ase itu prithibi te, Jisu koise, Acts 20:35 “dibole para hi bishi ashirbaad ase, lobule para para.”

Paul pora itu karone khushi pora koi, philippians 4:18 ami lagi ase bishi ase. Epaphroditus  apuni khan laga samn khan amike di kene ami ki lage sob pai jaishe. Itu kha Isor laga usorte bhal gun laga agarbatti nisina lagi ase, Isor khushi hoikene asish diya nisina lagiase.

Oh Isor laga bacha khan Isor karone daan dibi. Tai pora apuni khan karone swarg laga rasta khulli dibo aru tate pora apuni ke hazar guna ashish dibo. Itu ekla nohoi kene itu ashish tu hoile apuni pora kkunbi chini bole naparibo.

Aji bhabna kkuribole laga pobitro kotha tu hoile, Matthew 6:20 swarg te dhon khan jama kkuribi, jun jag ate kira kha biya kuribole naparibo, moiola hobole naparibo aru chor manukhan ahi kene bhangai kene looi jabole naparibo.