Aug 12 – Taniytiy lingan Man’oihan!

“Seletten dane maranji a tanitiyanji asan mandranji m’oihleji, iten asan gamlenden aninji rojol-j’en batte Gamangtungan apsele a itsumtaniyan tiyleji; bar Daudo rajan janang boiboi moihle” (1 Birinda 29:9).

Kuddub ayam taniytiy lingan man’oihan dakute. Kun ambrij, agante bo ajar ayaman Kitungan a d’ong atiyte. Anten asan, agante atiyte, barij j’e-en batte do anerdakan batte.

Bo dena, oruborub ayam, agante bo a U’a mar tangor lingan haling yireten, anin aboi pastron a d’ong gijle anin amukaban saring yiraiten. Anin kun a U’a maran galamted. A U’a maran amangba, anin ualeten kone hotelan dakupo gaganaben asan. Anin gamete hotelan bangsa do asui lebu batte aganaga hangben dete gamle.

Kan ate amdangle, a U’a maran ganlule anin amangan asui lebun daku gamle. Anten asan, anin kuddub lebeun table do pastron a d’ong tiyle gamete, “Hen Kitungan aboantan do aman janangan po. Bangsale ganagan ga’a”. Kun Pastron anitsumad atiyeten adnang, man’oihan jaeten.

Kun jaga saring pastron yireten, a U’a maran man’oihan batte erdikale. Kun ayamlingan, agarberneten ayamlingan, Kitungan atanudu imneten. Agante Kitungan aboantanji tiyleji, kun batte Kitungan m’oihle.

Kitungan a d’ong atiyte surda sanittana kan ordarlingan. Jisun gamete, “A jaben saring a tiyben boiboi man’oihdam” (Anappai 20:35). Agijtaben ambrij, bangsa-sarum ayamling. Pilipianji Pol a d’ong sayamlaji anappai baran ayamling do sanyelaji. Agante jaleji, Pol ateng m’oihle.

Anten asan man’oihan batte gamle, “Bindo Hen a kuddub janabanji daku do aggarda daku. itente a sanaiyaman amben appaile, antate Epaprodita saring hangan hangle hen barijdam daku. antate sarummen a ananguran, Kitungan apsele abm’oihtenan a janajadage kanuban na” (Pilippi 4:18).

Tanahimdam Kitungan a onagji, man’oihan batte Kitungan a d’ong tiyba. Anin ruangan asangan rite. Sanagan rile anabsittan tiybente bo ajar ayam. Kun sattang ted. Surda man’oihdam itente ordaran ja panle adraptie.

Kinolbe absele: “Bindo uante ajjummire orde janumtadan adnabs’zde, do uante jumbwr maranji gaitalle ajjumbwrreji, ednegoi ruang lingan ambendam apsele bittin tartumba” (Mattiu 6:20).