AUGUST 10 – Baptisam lelinoje ghaali khushee!

Vo paanimaithi  baar karado chadejanna Dever Aathma Philippena len dagargo. Pher vona ditokoni; mantri khusheethi vor vaatvena go.(Aposthaler kaam 8 Haari 39 vachan)

Yettha yeka Bayilar bage lakkan cha vu AIYTHIOPHIA thi aana Yerusalemema araadhana karen aayoken. Ye Bayilar laar athra khushee paayena  kaicha? Hava, yee khushee baptisam ledoje ghaali ayijako cha. Vona yee santhos Yerusalemen aathanu aaradhana kidojethi jaadaj baptisam lido jethi vethi.

Baptis Yohan papena maapver yekkaj kaarnethi baptisam dino. Jan kunvathho huner paaper vaasu rothanu maap pucheko vosser hathayeni jako paapero Jeevanethi badalavni ven Devema navvo jeevano shuroo kidecha.  Lapan, Yesu Chreesthu baptisam lena aayo janna yek dhoosar kaaran baptisam leva janna aavajako khusheer bage kerocha.

Yesubaapur vodithi, baptisamer bage shoch kai katho baptisam kajako papen maap veroj koni lapan vu Dever niyathena puro karero saha ven cha. Yee koni mot vaath Yesu Bapu baptisam lidojanna aasman vugadero! Vothin jasthi khusheero vaath kai katho Parmero BAP ko “Thu MAAR premer Beta Thaar mayi anand parochu”  (Luka 3 Haari 21_22 vachan) Pavithar Aathma rooplelen kabuhar nai vuper vutharero moto mahimaro kaamven chenika?

Yee baptisam bhaari vishesh vegich kukatho Yesu Bapu velathi siluvaper margojako. Kunvatho baptisam levachko vosse Yesu thi velama, maranema masanema ghalejema Bhelage. Baptisam lenukeval Yesu ra balidanen hardelan hannu gavai kacha”Christhir saath siluvaper margochu abba banchujako maakoni christhuj maarmai banchroch (Galathivalun 2haari 20vachan) Kai Ghano moto khusheero vaath cha yee!

Panima dubero katho Yesuro maranema bhaga vejethi saman. Dever vaath hannu kacha, ” Jethi Vor mothersayama saasij hapan bhalgebatho Vor Jever sayemayi bhalan remacha”(Romavun 6:5). Athraajkoni baptisam lemajanna Christhu pharan vutojako jorema bhalgecha kan kevaas. Baptisam lelen paanimathi vuncho vutajanna apan hanno swagan khamacha , “Yesu maar saru maran vutocha. Maasadha jayamero jeevano Yesuro Punarusthanamero jorema chaluchu”. Tharo khushee puro vacha. Kunvatho baptisam anubavakarachko vo Esraelevaal laal samuddar dhater anubhavaathi samaanvacha.

Ajena dhyana karer Dever vaath:- ” Kimkatho Christhuma baptisam lidejako thamse Christhuna perlidecho”  (Galathivalen 3haari 27 vachan). Yesu thamen sena aashish kariye.