Aug 10 – Tabbubda abmele Anerdikan!

“Bar aninji d’an saring a dunglenaianji adnang tette saring Gamangtungan a Janggardan Pilip a d’ong urungle pangeten; do antanab-bai mar anin a d’ong okij aggijad, do anin erdika m’oihle tangorban yereten” (Anappai 8:39).

Tenne, antanab-bai mar abmele anidolan dele ayengan Jirusalem saring Ethiopia a gangkelben abmele yiraien. Iten aberna daku tenne antanab-bai mar erdikanaben? U,u, tabbubdan abmele anerdikan yiraiten. Jirusalem a melgij man’oihan adhangad orde ganankelang ayamling tabbubdan batte janangan adhangad.

Tabbubda Jon tabbubdaneten pintunsaring anablu ayangben. Ayengan a mandranji pintun pingbaleji aninji a pintunji tanamadan dele do tabme mandrengna abhanalingji.

Bindo, agante Jisun Kristun tabbubda ayangben yirai, Anin oblingle tabbubdan anerdika abmele. Anin a gamle ambrij, tabbubdan ayangben pitun tanamadanted sattang bindo Gamangtungan a jardin ling a dakunaben dete. Yan a man’oihan ruang-lingan Jisun a tabbubda abmele! Yan a manoihan uan a gamben ate, ‘Kan tanimyim On-Hen, Anin amang lingan boiboi m’oihdatih!’ man’oihan batte Kitungan a Janggardan kukkuran ambrij labsolai ejapo?

Tabbubdan abmele man’oihan yiraten Jisun Kristun kanalkalan ayangle batte karbhidang adelen arakadanglingan. Butente tabbubdan hangte anin kanalakaln batte anabjurdin dele, karahidan do tarurmudun Jisun Kristun ate. Da’aban a tanangle do tabbubda atiyle adnang anin akubdamneten ambrij dele Anin a mandrengna anin abmele, Kristun anabjurdin do manoihan batte gamle, “Hen Kristun ampara arakaddang lingan kanabhidan delih; bar nami d’ong lingan itente a mandrengnan hen abhanatenai, antate Kitungan a Onan a dernan batte abhanatenai” (Galatianji 2:20). Yan a m’oihan kan ate!

Tabbubdan aboi Jisun Kristun a karahidan aramod. Bibolan gamte, “Iten asan gamlenden Anin a karahidge lingan bogad Anin ampara anlen mainan delalenanden, a jardin na Anin a yanarmengge  lingan ja Anin ampara anlen mainan detabe” (Romi 6:5). Kun sattangted. Tabbubdan batte Kristun araptin hangtabe. Agante da’a lingan saring aduntenai, amben agamben dete ‘Jisun karahidan saring yarmengle. Hen janangan daina batte ayeramengan araptin ling hatinai’. Man’oihben atengte. Butente tabbubdaten aninji erdikantenji kun ambrij agante je’e ganugan padan paddle ma’oih lingji.

Kinolbe absele: “Gamlenden dajingante amben Kristu lingan tanabubdan a dele, dijte amben Kristun a d’ong onggikaban ambrij a rotudle” (Galatianji 3:27).