Aug 09 – Tai pora apuni ke khushi kuribo!

Jeremiah 31:13 titia chukri khan nachikene khusi lagibo, aru mota khan jawan hoilebi aru bura hoilebi bhal lagibo. Ami tsi khsn lsgs mon shanti kuri dibo aru tai khan laga dukhkhan sob kkhushi hoi jabo, tai khan laga kandia khan sob khushi hoi jabo.

Sabi kiman bhal ase amikhan laga Isor tu jun amikhan ke morom kure aru tai laga kosom pora amikhan ke mon tagot kure. Tai kosom dishe, “ami tai khan ke khushi kuribo dukh nohoi.” Hoi, dukh laga din khan, kandia laga din khan sob hekh hobo.

Iku dukh tu apuni khan laga jibon te nathakibo jitya Isor laga hath tu apuni khan laga jibon te thakibo. Tai apuni khan laga dukh aru kandia ke mushi diya ekla nohoi kene, tai apuni khan ke bishi khushi kuri dibo. Romans 8:28amikhan janishe jun Isor ke Biswas kure, Isor tai nimite bhal kam khan kure,tai khan nimite jun tai laga kam nimite matise.

Jitya dukh aru biya din apuni laga jibon te ahe, apuni khan mon chutu kori kene itu bhabna kure ki itu khan kile apuni logote hoishe aru kile apuni laga jibon te inika biya din dikhibole lage. Hoilebi itu khan sob tu apuni khan ke ashirbaad nishina lagibo jitya Isor laga hath itukhan ke sob badly kuri dibo.

Ekta manu tai laga graduation hua pichete, kam karone bishi alag alag te apply  kuri thakishe . tai tu govt. job karone nohole bank te bisari thakishe. Hoilebi Isor pora taike mamths teacher hi banaishe ekta govt. school te. Itu school te thik jaga bi thakianai bohi kene porha bole, toh gas laga jag ate hi kitab porhai thakishe.

Poila saal te, utu class laga students khan sob fail hoishe kile koile mon nidiya karone.hoilebi itu mamnu har mananai aru pura ji jaan lagai kene porhaishe aru taikhan ke student laga motlob tu samjhaishe. Tai laga mehnat tu kam dishe aru agla saal te tai khan bishi bhal student ulaishe. Taike Isor pora ekta karon karone hi pathaishe. Aru itu experience pora hi tai ke ekta bhal prochar bi banaishe.

Joseph ke sabi, tai laga bhai khan pora tai ke bikai dishe. Aru tai kitya Imandari pora sob kam khan kuri thakishe, taike jail te hali dishe, misa kotha te phashai kene. Hoilebi Isor pora hi taike uthai dishe, Egypt laga dangor banai kene.

Oh Isor laga bacha khan, aji apuni kiki bhugi thakile bi, aha laga din te uncha podh apuni khan karone rukhi ase. Apuni laga dukh khan hodai din karne nohoi. Apuni laga dukh tu khushi te badly te hobole ase.

Aji bhabna kuribole laga pobitro kotha tu hoile, Psalms 90:15 iman sal tok apuni amikhan ke kiman dukh tem on dukh kuribole disile itia amikhan ke iman hi khusi hobole dibi.