Aug 06 – Mihaman batte Mariddam!

“Anten asan yante gamle Jisun janagang a mihamdaman batte mandranji a d’ong rapti abmaridte, kun asan gardan a garannan a baiyeran kanabhidan dele” (Ebri 13:12).

Kan a berna abmele ogandile gijba “a mihamdaman batte mandranji a d’ong rapti abmaridte.” Kitungan mangling-len saring manaridan saite, a mihaman batte marid a deben adhitsumtepo. Yan a rumangdage a kubdamna anlen abmele Kitungan a min tum Onan teyeten anlen a manaridan abmele!

Ajar ajar a pissirdianji appaile kanuban pede tiyle ben raptite. Anin Kirubinji orde Serubenji appaile raptiteben kanuban abmele. Ajar ajar jongtunji orde ontidanji ordarlingan kanuban abmele tijleben raptite. Bindo, Anin a min tum Onan teyeten kanubkubge. Bibolan gamte, “…bar Anin a On Jisun a mihaman kuddub pintun saring abmaridtalen” (1 Jon 1:7).

Marid mandrengna lingan a dakunaben asan kalobori a baru a rakaddan gijgijba. Gamba, “Jisun a miham-ling daina daku.” Okij gamba, “Murkundardangan a miham batte anablu hanglai.” Mihaman batte ranadun hangle man’ohan batte hanaba.

Bo denna, satan tungjingle gamete Martin Luther a d’ong, “amangdaman badloyim-mar gamle gudingdong. Ayegang a pintun aman lumle kun ate gijgij-ja.” Gamle, alumeten a pintun absuile. Martin Luther a lumeten a pintun. Sanna do surda a pintunji absuile. Martin Luther satan a d’ong ual-le gamle kan adijnenpo orde okij daku. satan okij pangaite bigrda a pintun a listu.

Martin Luther aboi je’e inku botolingan pangle a table-lingan saring do sartudle pintun listun lingan. Kun je’e inku mihaman ambrij kuddub pintun listu abgosodle satan apagaiten ate. Kun ambrij, Martin Luther daina batte gamle, “Satan, hen pintun lumlai a jardin-na. Bindo, Jisun Kristun a miham Kalobori abaru arakaddan lingan hen a pintunji gijdale. Kun asan hen anablu hanglai.” Ganroijan batte satan omdrengle yireten.

Tanahimdam Kitungan a onagji, buten bidsarate Kitungan pintunji gijdale do madrile atiki. A mihaman batte? Itente mandran bitsarate amang pintu marpo gamle? Ambendaman janangan adbitsaradamne.

Kinolbe absele: “Anin a tam bittidage asuyeman ambrij anlen anta tanimyim Mar lingan Anin a mihaman batte tanandzn, manan, danusan a tanabmadan hanglabe” (Episi 1:7).