August 05 – MACHNIPA GI ASENGBA!

“Nakhoi khradi asigumba mising oirammi, adubu nakhoibu chamthokpire, nakhoibu senghanbire, Ibungo Jesu Christagi mingda amasung eikhoigi Iswargi thawaina  nakhoibu chumhanbire.” (I Corinthians 6:11).

Asengba oirakpa yanaba khudingmak asi Jesu Christana mapum phanna loisinbire. Mahakki nungshiba aduna nahakpu asengba punshi hingnabagi damakta insinbire. Mioibana motle haiba asi Jesuna uba matamda mahakna taibangda lakle hairaga makhoibu nungshibada chamthokpire aduga senghanbire.

Aduna Jesuna nahakpu paptagi asengba oiba yanaba mahakna mahakki ee tabire. Mahakki ee aduna nahakki papt khudingmak pu sengdokpire.s Maduna nahakpu senghanbire. Christagi nungshiba khangba khudingmakna Mahakki yathang sing adu ngakkani. Makhoina keidoungeidasu papta nungaina leithokloi. Iswarbu mirairaga papki nungaibada keidoungeidasu lup loi..

Cinema gi  thabakta yaoba nipa amana asumna haikhi, “ Eina yaoriba thabak asida nipa gi punshi lambi kayada manghankhre. Eigi loinabigi nungshibana eibu asengba oina leiba ngamhalli. Mahakna eibu changdamningai leitana nungshibi. Eibu naba matamda mahakna eibu ahing nungthil naidana seba toubi aduga mahak tumdaba makhei eibu seba toubi. Mahakna eibu masamak kumna nungshibi, eina mahakna chingnagadaba thabak karisu amatta touge haina eigi thamoina eibu minamba ngamde.”.

Jesu Christada yengbiyu. Mahakki nungshibadi Iswargi oiba nungshibani aduga mahakna eikhoigi damakta katthokpikhi. Sastrana hai, “  masi mahakna  waheigi mapanna  isingna chamthoktuna singluppu asengba oihannaba amasung sengdokkani, madudi    singluppu chusinba, nattraga kusinba, nattraga asigumba kari amatta yaodana , adubu asengba oiduna amasung   amakpa leitana matik mangan leiba singlup oina mahakna masamakta katchabani.” (Ephesians 5:26, 27).

Asengbada chatpa ngamnaba Jesu christana eikhoigi damakta  lambi adu sembiramle. Eikhoina mahakpu khudam oina yenglaga chatpa yanaba mahakna mangthana khudam adu utpire. Sastrana hai, “ nakhoibu koubiba mahakna asengba oibagumna nakhoisu lamchatta asengba oiyu.” (I Peter 1:15).

Dharma ayambana asengba asi maru oina lou-i. Adubu madugi pambeidi Christianity khaktada phangbani. Calvary gi ee adu gi mapanna ni. Jesu Christagi ee aduna mi amabu  asengba punshida hingba ngamnabagi lambi pibi aduga masi Christianity nattana atoppa dharmada eikhoina phangba ngamde.

Dhyan tougadaba: “ Ingthabagi Iswar masamakna nakhoibu pumseng sengdokpisanu, aduga eikhoigi Ibungo Jesu Christana lenglakpa matamda mahakna nakhoigi thawai, hingba amasung hakchangbu amakpa leitana thambisanu,.” (I Thess. 5.23).