August 04 – ISWARGI OIBA AKIBA AMADI ASENGBA!

“…Jesu Christagi manai amasung Jacobki manao Jehudana , Ipa Iswarna sengdokpikhre, Jesu Christada ngaktuna thambiramba amasung koubiraba nakhoida:” (Jude 1:1).

Ipa Iswarna eikhoibu senghanbani.Eikhoina Iswargi maramda wakhal touba matamda mahakki yathang amadi mahakki chinglemba gun aduna eikhoigi thamoi sok-i. Hoi mahakna amotpa tukkachei amadi mahak asengba oina adum lei.

Nahakna Iswarda nakna leinaba hotnou aduga nahakna madugi phal adu yengbiyu. Nahakki thamoi nungda asengba haiba asigi maramda akiba masana phaorakkani. Mahak yamna chinglembani. Nahakna sasu sadaba, ingsu ingdaba ama oina leirabadi mahakna nahakpu machindagi sittokpigani. Mahak pappisingi mathakta numit khuding saoduna lei haina sastrana phongdok-i..

Makhoigi hakchanggi apambada hinglaga mottuna Iswargi mangda leppa misingbu Iswar na tukkachei. Mahakna makhoibu maral leibani haina laothokkani, “nakhoi yathang ngaktabasa eingondagi chatthokkho. Hoi mahak  tumna chak hanba ngamba meini.

Nangna Iswargi asengbagi maramda wakhal touba matamda nangggi thamoi nungda Iswar kiba phaorakkani. Mahak matik mangalna thallaba amadi asengbani. Mosesna misingda asumna haikhi, “ kiganu, maramdi Iswarbu kiba adu nakhoigi mangda leiduna nakhoina pap toudanaba nakhoibu chang yengnaba mahak lakpani.” (Exodus 20:20).

Ngasigi taibang asida Iswardi thajei hairaga papta adum luptuna leiriba mising asina Iswar kiba watpadagini.  Iswargi aningba asi karino haiba asi makhoina khangba ngamdre. Makhoina nongma Iswargi mangda lepkani haibasi makhoina uba ngamdre. Iswar kiba watlakpadagi misingna hakchang gi apamba amadi pap ta asum asum luppani aduga maduna makhoibu khudam challak-i.

Iswarga  naknariba makhei Iswar kibagi chang asisu hengatkani. Joseph adu karigi damakta pap touba yadabano? Mahakna Iswar chap chana kibagini. Iswar kiba aduna mahakpu kanbikhibani. Joseph na haikhi, “eina asigumba phattaba touraga Iswargi maiyokta pap karamna  tougadaouribano?” (Genesis 39:9).

Eibu Iswarna yengduna leiri. Eina karamna asigumlaba amotpa punshi hingba yagani? Eina karamna Iswargi asaoba adu maiyoknaba ngamgani? Mahakna eibu hunjekpiba tarabadi ei kari tougani? Asigumba wahang hangjariba misingna keidoungeidasu pap touroi.

Nungshiba Iswargi machasing, Iswar bu kiba asina nakhoibu changkhonba asengba hingba ngamhanbani. Pakhonchatpa Paulna hai, “ maram aduna achanbasa, wasaksing asi phangjarabanina hakchang amasung thawaibu senghandaba maram khudingmaktagi eikhoi isabu sengdokchasi . Iswarbu kibaga loinana asengba adu mapung phahansi.” (II Corinthians 7:1).

Dhyan touba: “maramdi nakhoigi Iswar oinaba, Egyptki leibaktagi nakhoibu puthokpirakpa eidi Jehovahni, maram aduna nakhoi asengba oigadabani, maramdi Ei asengbani.” (Lev. 11:45).