Aug 03 – Bibolan Saring Manariddan!

“Dile anidolan adelen Kitung tanongyimdam na” (2 Timoti 3:16).

Janggardandagge a Bibolan ganugu batte taniyan delai. Iten asan amben agalamtepo? “Dile anidolan Kitung tanongyimdam na, do hananghangan, anabdusan, ganadrin do ranoitad lingan a delen a panadradan apsele hangdrangdage daku. yante gamle Kitungan a mandran hadabloge dean dele dile bangsa baran apsele barijloge anosobadamnan rapti dete” (2 Tomithy 3:16,17).

Kitungan a kambo-olan aboi pintu maran a d’ong abtandite. Ranoitadan abmele hanghanglangte. Kuddub lanangkan saring, kun batte Marid abmelangte. Mariddam adeben do bibolan batte jaru janudin daku. Jisun gamete, “Itente a berna Hen opungtaben, antate Janggardan do mandrengnan na” (Jon 6:63).

Kitungan ateng janzbjzb beranji tiyaite bibol-lingan mariddam adeben a berna. Agante kan a bernaji amben ayimte, kun ayamling marid mandrengna susute. Anten asan, derna batte kun a bernaji jaba. Bibolan gamte, “Iten asan gamlenden pintun lanangka-ben adrajagodne, gamelenden amben anosaijan a dane lingan ted, bindo asuyeman a dane lingan daku” (Romi 6:14). “Iten asan gamlenden bo kanuban batte tarda ayam sikkoi ja Anin manarid delen a mandranji a d’ong hadab abme-etenji” (Ebri 10:14).

Agante amben pintun a tanunjznling ayirte, si’i-lingben Bibolan yamba. Do kinol-le gamba pintun d’ong-hen adhaming. Gamba, ‘Hen Kitungan asi-ling mariddam daku do anten asan, buteja d’ong-hen hamle adraptihin.’ Satan mangben saring dungle yirte.

Bibolan gamte, “Iten asan gamlenden Kitungan a bernan am’engdam, umengdam do dile sugallang-kiban saring aswbdam daku, Antate pwrardan bar janggardan, manadmad-jangan bar auldan abansaben asan a l’ungan gante, do uggaran a anogandin do ganabrij’en ogalte” (Ebri 4:12). Kan ate Kitungan a kambo-olan manariddan atagoran na. “Iten asan gamlenden kun a banaihberan lippa tudan do kun anosaijan paniradan dete, bar kanaih-hanangan mandrengnagodan” (Bangsa Hangan 6:23). Daudo gamete, “Berna-Nam j’eng-hen apsele lippan, do tangor-hen apsele paniradan” (Sanenken 119:105).

Tanahimdam Kitungan a onagji, tagalda dilen bibolan kinolba. Bibolan amben ampara arberete. Mandrengna ling tangorbente. Amben daman ualdamnaba do amben bibolan ambrij ayatinpo orde dile dena akinolte ambrij, amanitepo, surpiddamling bibolan a gamte ambrij hanaben abmele tiydamnaben dete.

Kinolbe absele: “Bar along-uggar-hen iteja danuaihan daku orde ijja, Aman gija, do erahidgod lingan d’ong-hen abanjengih” (Sanenken 139:24).