July 31 – Uhulkuijan a hangben ayaman!

“Bar boanta tungmadgij mar-Namji a d’ong, badloyim maranji a d’ong do ahim-Nam abmele a bantongten a sanna do surda maranji a d’ong uhulkuijan a tiyben asan ayaman yerrai” (Anabpungge 11:18).

Pintun-lingan do pansardi-lingan a dakuteji amandranji abmele bitsara ayaman. Kun ambrij, derna-marnji do badloyim marnji a d’ong uhulkuijan atiyben ayaman. Jisun gamete, “Gijba, Hen umengle yertai, do dile mandran a tam lanuman ambrij randul taniyan a tiyben asan Hen ampara uhulkuij Hen daku” (Anabpungge 22:12).

Agante aua-maran s’ihingba dayertai, aonanji omdile dakutenji ua-len ijaja pantai do a jumtai gamele. Kun ambrij, agante yangan bajaran saring yartinai, pasijanji ualteji iten panlai gamle. Ayegan a pasijanji toagalan do tamban kinoltenji aninji a porikyan linganji jajin marko yiraiten gamle a galamben saiteji. Agante porikya lingan daina hangteji, aninji ateng m’oihteji. Yan a sanitta kan ate bogad aninji fist divition dakulejiden.

Porikya abmele janang ayaman daku do kun ambrij, atigoi uhulkuijan ahangben ayaman janang daku. Kitungan abmele janang a baranaben ayaman daku do hangdrangan abmele janang m’oihan ayaman daku Kitungan amang saring. Kitungan ayirta-hen adnang amangba ateng janabanji dakute atiyben abmele. Mandrengna kambo-ol lingan ranabangan adetenji amandranji abmele. Anin pantai mangdreng ranubban do ganugu ranubban.

Agante ruang-lingan agante, Kitungan absuibenten darakunabe ayegan ate, Anin oskaile amben abmele do gamte. “Ongeron-Hen, Dangardi-on-Hen, darakunanam oskailai aman abmele. Gijja kani-na ate ganugu ajaga aman abmele gabdilai anten asana man Hen ampara dakuten.” U’gai! Yan a m’oih kun ayam ling! Anappai Pol edol-le, “A tanakud lingan, Nam saring itente a ranoitad ranubboban Roitad Bitsara Mar Gamangtangan anta dinna lingan tiytih, antate hen apsele tanartuman dele, bar d’ong-hen satta ted, bindo ayengan a kuddubanji Anin a panunggen a gijben itsumteji, aninji a d’ong janang Anin tiyte” (2 Timoti 4:8).

Adriynanam tabkuda. Bo denna, agante riang dessa lingan agunte, bo surda janaja batte ajar ajar pisirdinji batte abgugule jataben. “Bangsa bara lumle, Bangsa do dernadage dakulam boanta; aman asui abmele dernadage dakulam, Hen dane bara tiytam ateng a baranji abmele.” Agante amben a gijte Kristun anabgugubir do taniyanji Anin d’ongben tiyte,  titte amben agalamte itente akanalkalan ahangle ordar-lingan Kitungan abmele lagad do bangsale a dakulenan ate.

Kinolbe absele: “…butente ranoitadjaban bwdte anin abmele jardi uhulkuijan daku” (Bangsa Hanang 11:18). “….dile mandran a tam lanumdaman ambrij a uhulkuijan hangteji” (1 Korintia 3:8).