July 30 – SILVANUS KI THAJABA YABA PUNSHI!

`Nakhoigi leppham Iswargi thoujan asi achumbani haina thoujanduna amasung sakhi piduna eina singthanaba thajaba yaba eikhoigi ichin inao Silvanus ki mapanna eina nakhoida samlapna iribani.” (I Peter 5:12).

Mathak asida eikhoina sakkhangdaba ichin inao ama Silvanus kouba nipa gi maramda uba phangi. Peterna mahak asi “ thajaba yaba ichin inao haina mingthol pibi. Silvanus asi mapham asi khaktada maming panbani aduga nahakna mahakki maramda kaya khanglammoi. Adubu mahak thajaba yaba mini haibasida eikhoi nungaijei. Masina Bibleda mahakki maming asi lengdana leinaba mapham adu pibire.

Houjikkan asi Iswarna thajaba yaba mi thiduna lei. Mahakki mamit na madugumba mi thinaba koi yeng yengi. Thajaba yaba misingda Iswarna mahakki panggal phongdoknaba mi koi thi thi. Ningthou Solomonna hai, kanana thajaba yaba mi adubu phangba ngamgani.?” (Proverbs 20:6).

Houjikkangi taibang asida thajaba yaba oina hingge haiba tarabadi yamna lugani. Eikhoigi ithak thongba singna eikhoida aranba account inaba su insinbigani. Nahakna oidaba ngangnabagi damakta namna insinbiba lakkani. Madu nahakki apha- phata khangba lousingnadi yaroi. Adubu Iswargi mitna thajaba yaba mi adubu yengduna lei.

Ichin inao amana asumna hai, “ karigumba eina eigi dukanda churup, khaini aduga atei mayai kaba chinjak sing yonba tarabadi eigi dukan asi chaokhatkani. Adubu eidi Iswargi mangda thajaba yaba oiningi. Maram aduna eina madusing adu yonde, aduga eina eigi dukan da  wahei ama thetli. Madugi wahei adu asini: “ Iswarda thajaba thamliba mahak adu chaokhatkani”. Iswarna  eibu bor piri.”

Atoppa ichin inao amana hai, “ Eina Police departmentda thabak touri. Eigi thajaba yaba igun asina eibu karemnabada pusinbire. Eina thajaba yaba oina hingsera nattraga masigi thabak asi thadoklasera haiba asi eigi achouba wahang oire. Adubu eigi thajaba yaba igundu ubiriba Iswarna eibu  madugi department manungda  achouba pham ama happire.”

Hiram kayada nahakki thajaba yaba gun adu chang yeng lakkani. Nahakna khajiktang da thajaba yarabadi Iswarna nahakpu achouba pham happigani. Sastrana hai, “ adutasu nattana asin arangba mising adu thajaba yaba mi ama oigadabani. ” (I Corinthians 4:2).

Thajaba yaba asikhaktana natana karigumba nahakna thajaba yaba mising bu thengnaba matamda nahakna makhoibu thougatpigadabani aduga asumna haibiyu, “ nahakna thajaba yaba adum oibiyu, nahak keidoungeidasu pukning sonthaganu. Iswarna nangbu achaba matamda thanggatpigani’ haina amaga amga thougatnou.

Nungshiba Iswargi machasing, karigumba awaba lakpa tarabasu nahakna nahakki thajaba yaba gun adu keidoungeidasu manghanganu. Nangbu wangna thanggatpigadaba Iswargi matam adu yamna naksillakle.

Dhyan tougadaba: “Sibaphaoba nahak thajaba yaba oiyu. Aduga eina nahakpu hingbagi luhup pibigani. ” (Revelations 2:10).