July 27 – MOSES KI THAJABA YABA PUNSHI!

“Tungda haidokkadaba hiramsing adu mahakna sakhi oinanaba Mosesdi minai ama oina Iswargi imungda thajaba yabani.” (Hebrews 3:5).

Moses ki maramda sastrana phajana sakhi pibiba adu pabiyu. Iswargi imungda amadi khudingmakta Moses adu thajaba yabani. Mahak Iswar amadi mi gi mamangda thajaba yabani.

“Isingdagi chingthokpa” haibasigi artha di Moses haibani. Moese na pokpa matamda angang mayam adu isingda luptuna siba takhi. Adubu Iswarna Moeseda nungshiba utpiduna mahak chingthokle hairaga Pharaoh gi imungda chaokhat hankhi. Moese na madugi nungshiba adu kaoba leite aduga mahakna madugi damakta toubimal khangna hingkhi.

Sastrana hai, “ thajabagi mapanna Moese na mapung marei pharakpada, mahakna Pharaohgi macha nupigi machanipa ni haiba yaramde, matam khragi damakta papki nungaibadagi Iswargi misingga awaba khangminnanaba mahakna khankhi.  Christagi maramgi damak ikaiba nangbana  Egyptki lanthumsingdagi henna mamal yamba lanni haiba Moses na  lepkhi, maramdi mahakna tungda phanggadaba mana adu yengkhi.” (Hebrews 11:24 – 26).

Nahakna sastragi wahei apumba asi paba tarabadi Iswarna mioibasi wangna thanggatpi bagi aronba asi nahakna khanglakkani. Mioibana khajiktangda thajaba yaba matamda Iswarna mahakpu achouba potsingda sinnabibani. Ayambagi mathakta thajaba yaba mi adusu Iswarna achouba thoudang lounaba sinnarakkani..

Iswarna Moese ki thajaba yaba punshi adu ubagi maramna mahakna Moses pu achouba thoudang lounaba sinnakhi. Mahakna Israel machasing bu Egyptagi Canaan phao chingbinaba sinnakhi. Moses ki mapanna Iswarna Israel machasingbu wayel yathang pibikhibani. Egypt amadi lamhangda Iswarna Moses bu   sijinnaraga angakpa thabak kaya pangthokkhi. Moses ki punshibu  munna thijinba tarabadi Iswarna mahakpu wangna thanggatpiraga mahakki maramda aphaba sakhi kaya pi haibasi uba phanggani.

Madu khakta natte. “Aduga mahakna haikhi, “ eigi wasing tao, nakhoigi narakta wa takthokpa mi ama leirabadi, Jehovah masamakna darshan amada mangonda khanghanbigani, aduga mangda mangonda wa ngangbigani , Eigi inai Moses di adugumna touroi. Mahakti eigi imung pumnamakta thajaba yabani. Eina mahakka maiga maiga onsinnaduna paokhongsingna nattaduna phongna  ngangnei. Aduga mahakna Jehovahgi sak ong ujei. Maram aduna eigi inai  Moses gi mathakta nakhoina wa ngangba kidabra?” (Numbers 12:6 – 8).

Nungshiba Iswargi machasing, Moses gumna nakhoinasu thajaba yaba punshi hinglabadi Iswarna nangondasu maiga maiga unaraga wa nganggani.

Makhoi aduna yao macha aduga lan soknagani, aduga yao macha aduna makhoibu ngamgani, maramdi mahak asi mapusinggi mapu  amasung ningthousinggi ningthouni. Mahakka loinaba makhoi adudi koukhraba , khandoklaba amasung thajaba yabasingni.” (Revelations 17:14).