July 25 – Ki amikhan manu ke bodnam dibo pare!

1 Corinthians 13:19 kile koile amikhan laga dimag laga inam aru amikhan bhal pora kothakhanke koi dibole laga inam olop hi ase.

Manu laga dimag tu hoile komti ase. Kinika ekjon manu dusra laga galti bisaribo paribo judi tai nijor hi dimag te komti ase? Aji kali toh manu ke misa mishi bodnam kura tu hoile bimar nishina hi pheli jai ase aru atma laga duniya ke khotom kuri jai ase. Manu karone tu itu hi dangor hoishe ki kinika manu ke bodnam kuribo hoile bi pobitro kotha te itu porte ki koi najane.

Jisu Krista pora koishe, Matthew 5:23,24, “itu nimite, Isor laga agete puja kuribole nimite kiba saman anishe koile aru thik utu homoi te  apuni laga bhai kokai ke apuni kiba biya korise koi kene monte ahishe koile, apuni laga puja laga saman ke tate charikene, jaikene poila apuni laga bhai kokai pora map mangibi aru itu pichete ahikene puja koribi.

Manu pora galti tu kun kun hoilebi bi bisari loi, tai bachia manu hoile bi, Isor pora chuni lua hoilebi. Itu laga karon tu ki ase koile tu, tai khan bi manu hi ase itu karone. Aru tai khan bi galti kura tu itu achurit kotha nohoi kile manu hi galti kure. Tai khan karone upwas aru prathana kuribi tai khan laga galti nimite. Judi apuni khan tu tai khan laga galti tu janai dibole mon ase, tai khan ke ekla pora lok kuribi aru tai khan laga galti kota ase samjhai dibi.

Itu tu prophet Nathan pora bi kurishe, jitya David pora pap kurishe. Prophet Nathan pora inika kura tu David ke majbur kurishe Isor agette nijor jai kene map mangibole. Inika kotha tu manu bishi laga agete koi kene berai thaka tu lap nohoi aru pulpit te manu bishi laga galti tu uthi kene sorom khilai diya tu bi bhal nohoi. Inika hoile tu khali amikhan saitan ke khushi kuri diya hi ase. Revelations 12:10 te koishe, kile koile Isor laga agete khara hoi kene jun amikhan laga bhai kokai khan ke pura din aru pura rati bodnam kuri thaketaike swarg pora ulai dishe.

Apuni itu prithibi te thaka homoi tu hoile bishi komti ase. Kiman bi bhal hobo judi itu komti homoi tu Isor laga mahima kuribole lagai! Kiman bi bhal hobo judi itu komti homoi tea mi khan manu laga atma ke bachai diye. Judi apuni khan itu homoi tu manu khan laga biya kotha ke kobole laga toh apuni khan pichete tum on dukh kuribo jitya Isor tu apuni khan ke bhal homoi diya khan tu bujibo.

Manu khan tu dusra laga biya kotha kile koi kuile toh tai khan tu Isor uporte morom nai aru manu laga atma ke bachabole piyas nalage. Aru ekta dusra karan tu ki ase koile tu tai bhitorte mon jule manu uporte. Matthew 7:1  dusra manu khan laga phaisla nakuribi, tini hoile hi apuni laga phaisla bi nakuribo.

Oh Isor laga bacha khan, jani lobi ki apuni ek homoi bi yate thaka tu hoile Isor laga kam kuribo nimite hi ase. Nijor ke Isor logote dibi, prathana kuribi. Titya hi apuni khan bi ashirbad pabo.

Aji bhabna kuribole laga pobitro kotha tu hoile, Psalms 37:1,2 biya manu khan ke sai kene bhoi nakuribiaru jun manu galti kori ase tai khanke sai kene suku najulibi. Kilekoile bisi joldi taikhanke gas  nishina kati dibo aru sukha gas nishina taikhan sukhi jabo.