July 25 – ATOPPA MI GI MARAL SIBA YABRA!

“Maramdi eikhoina khrata khangi..” (I Corinthians 13:9).

Mioibagi khangba asi yamna watli. Mi amana khajik tang khanglaga atoppa mida karamna maral siba yagani?   Houjikangi matam asida migi maral sibagi thabak asi asukki matik hengatle aduga masina laina laichatkumna Thawai gi punshida yamna sokle. Mibu maral sibagi maramda Bible na kari haige haibasi khangbada yamna maru oibani.

Jesu Christana asumna hai, “ maram aduna nahakna latnapungda khudon purakpa matamda nahakki nachin nanaona nathakta nungaitaba leiba adu ningsinglaklabadi, nahakki khudon adu latnapung mamangda thanamlaga nahakki nachin nanaogi nakta hanna chattuna mahakka chamthoknou, aduga nahakna laktuna nahakki khudon adu katlu.” (Mathew 5:23, 24).

Kanbiba phangkhraba mising amadi Iswarna thao noibikhraba mising phaobasu maral siningai mi lei.  Maramdi makhoidi supnatagi mioibani. Makhoisu  soiba yaba mini. Iswargi manaising gi asoiba nangna uba matamda makhoigi damakta chara hellaga haijabiyu. Makhoigi asoiba adu nahakna makhoida khanghange haiba tarabadi mahakna matomta leiba mtamda chatlaga haibiyu.

David na paap touba matamda maichou Nathan na asumna toubirammi. Nathan gi hotnaba aduna Davidki damakta pukning honglaga Iswarda changjanabagi khudong chaba adu pibi. Madu nattra? Madu natabida eikhoina makhoigi asoibasing adu mayam marakta sandoklaga pulpit gumbada laona laona phonglabadi karisu kannaba leiroi adubu Satan di haraogani. Mahak eikhoigi ichin inaosing gi maiyokta ahing nungthil maral siduna lei. (Revelations 12:10). Madu nattra?

Nangna taibangda hinggadabagi matam asi yamna telli. Madugumlaba tellaba matam adu Iswargi matik mangal phongdoknabagi damakta sijinnaramba tarabadi kayada mamal leigani. Madugumlaba matam adu norok ta changgadaba mangkhraba thawaising bu khomnabada sijinnaramlabadi kayada mamal leigadaba. Nangna leijaba matam sing adu atoppa misingbu maral sibada sijinnaba tarabadi lomba naidaba matamda nahakna manghankhraba sana gi matam sing adugi damakta nahak tengthagani.

Maral siraga leiba mising asina Iswar bu nungshide aduga thawai khombagi potlumsu leite. Makhoina masi toubagi maramdi makhoigi thamoinungda meigumna chaklaga leiba khambhamba kallakpa aduni. Jesu Christa na asumna hai, “, Mibu wayenganu.” (Mathew 7:1).

Nungshiba Iswargi machasing leijaba matam sing asi Iswarna khudol oina pibani aduna mtam cheksinna sijinnou. Nahakna potlumga loinana haijanaba pisinjou. Adu oirabadi Iswarna bor pibigani.

Dhyan tougadaba: “ Phattaba toubasinggi maramna nasa khoirang khoisaoganu, aduga dharmanchendaba thabak toubasinggi maiyoktasu kallakkanu. Maramdii napigumna makhoi thunamak khuithagani,  asangba napi singbigumna kangsillakkani.” (Psalms 37:1, 2).