July 23 – Anlen Iten a Lumba!

“Anten asan aninji Anin a d’ong gamleji, yante gamle Kitungan a baran anlen rapti a lumtai, yan abmeben detalen?” (Jon 6:28).

Kanina ate murdadaman annual biran Bibol-lingan. Kun sattangted. Kan ate boi boi murdadam anualbir anindam orde ambendaman ualbe dete. Kitungan abara abmele Iten panle yirben dete? Rumang baran do rumangdage ate yangam lumben dete?

Mandranji gijleji moloi ajar a mandranji a d’ong moloi rutipun do bagu ayon batte atiyjumeten ate. Aninji rumang baran alumbe abmele saileji. Aninji ogandileji aninji ja rumang baran lumbendete gamle bogad a mandrengna linganji ranapti dakulenden. Kun asan aninji ual-leji, “Iten a lumben dete, Kitungan a baran a lumben asan?”

Kznolba Jisu Kristun a mandrengna abmele. Ordar lingan a dakule adnang abmele, Anin abojoraile Anindaman Kitungan aon gamle rumang baran a lumle batte. Anin aboi bo kzkkamaran ambrij adlumad. Rumang baran do ranapti baran batte, Anin abojoraile Anin itente gamle. “Anten asan itente a rubmang daman a baran Jisun lumeten, antate kun a mandranji gijan gijle gamleji, Jarditen gamle ayengan a tungmadgij maran ordarban yertai, kan Anin na” (Jon 6:14).

Jisu Kristun d’ongben sanaisai, a pasijanji, rumang baran a lumben egale anin alumeten ambrij, “..Butente mang-ling-Hen derten, itente a baran Hen lumtai, antate anin janang lumte” (Jon 14:12). Uggarben rumang baran Kitungan abmele alumben asan saitepo? Uggarben itente alumbe abmele saitepo? Kitungan a baran abmele amben agartepo? Kun ayamling, amben Marid Janggardan do ranapti batte barijd deben dete.

Ordaran atanakud amben adulai. Ateng mandranji Jisu Kristun bute inrang galamaji. Aninji a ranapti adgijadji. Langa hanangan do ragal hanang taniyan dele janang. Amben a birna lingan ranapti dakuben dete eteden bigrda jadtinji Jisu a d’ong Kitunglen gamle jateji.

Jisu Kristun rumang baran batte mandranji a d’ong apdernaeten. Anin Kitungan aranaptin apsuile mandranji amangba. Anin abojoraile rumang baran do aramadanji batte Anin Kitungan aon. Kun sattang ted. Anin janang anlen rumang baran a lumben abmele jzbjzbneten. Tanahimdam Kitungan a onagji, amben Kitungan abmele delen do apuangtepo? Amben abojoraitepo Jisun ameng kitung gamle?

Kinolbe absele: “Bar ateng onla maranji Anin a d’ong sandungleji, iten asan gamlenden itente a rumangdaman baran asu maranji apsele Anin lumeten, antate aninji gijleji” (Jon 6:2).