July 23 – EIKHOI KARI TOUBA TABAGE?

“ Aduda gi makhoina mangonda hangkhi, “ Eikhoina Iswargi thabaksing tounaba kari touba  tabage”? (John 6:28).

Sastragi manungda Masi yamna maru oiba wahang amani. Madu khakta natte. Mi amana masana masabu masigi wahang asi hangbada yamna maru oibani. Iswar gi thabak adu karamna tougani. Angakpa touba yanaba eikhoina kari touba  tabage?

Jesuna mi lising manga bu tan manga amadi nga anida pijakhi haibadu misingna ukhi. Makhoina su madugumlaba angakpa adu pangthokpa pammi. Makhoigi punshi asi yamna maru oiba yanaba makhoinasu adugumlaba angakpa thabak touba ngamnabagi matik darkar lei haina khan khi. Maram aduna makhoina asumna hangkhi, “Iswargi thabak tounaba eikhoi kari touba tabage?

Jesu Christagi punshigi maramda mapum phana pabiyu. Mahakna taibangda leiringeida mahak Iswargi machanipani haibasi angakpa pangthokpagi mapanna sakhi pibi. Mahak Psychologist amagumna lakkhide. Mahakna angakpa thabaksing gi mapanna mahakki wahei sing adu chummi haiba sakhi utpikhi. Sastrana hai, “ Jesuna angakpa thabak touba ukhiba mising aduna asumna haikhi, “ Mahak asi taibang da lakkadaba Maichou aduni.” (John 6:14).

Jesuna nahakpusu mahakna touramba angakpa thabak sing adu macha ama oina touhanningi. Jesuna hai, “eibu thajaba mi aduna eina toubagumna tougani” (John 14:12). Iswargi  damakta achouba thabak touge haina nahakki thamoina ningbra? Madugi damakta nahak thawai asengbada amadi panggalda  thanba tabani.

Houjik nahak prithibigi akonba matam da changlaklabani. Taibangda mi kayana Jesu Christa asi khangdri. Makhoina Mahakki panggal udri. Houjik asi yamna phajaba sermon sandokpada karisu kannaba leite. Nahakki waheising adu angak pa miracles na chummi haiba sakhi utkadabani. Madudata atoppa jatsingna Jesu Christabu lousingani aduga mahakki mapahamda nonthagani.

Jesu Christana angakpa thabak toubagi mapanna misinggi pukning adu chingsinkhi. Mahakna Iswargi panggal adu thabak oina misingda phongdokpikhi. Mahak Iswargi machani haiba adu angakpa thabak singgi mapanna utkhi. Madu khak natte. Eikhoinasu madugumba angakpa thabak sing adu pangthokpa ngamgani haina mahakna wasakpikhi. Nungshiba Iswargi machsing , nakhoi hougatlaga Iswargi damakta nganthoibigadra? Iswar asi hingli haibasi nahakna sakhi pigadra?

Dhyan tougadaba: “Aduga mi mayamna mahakki tung inkhi, maramdi mahakna anabasing gi mathakta angakpa thabak toukhiba adu makhoina ukhi.” (John 6:2).