July 23 – Amikhan ki kuribo?

John 6:28 tai khan taike hudishe, “amikhan Pormeshwar laga icha hobole ki kuribole lage?”

Itu ekta bishi zaroori sawal ase Pobitro kothate ekla nohoi kene, amikhan nijor ke bi hudibole lage. Ki kuribo lage ami khan  Isor laga kam kuribole nimite? Ki kuribole lage ami khan achurit kam kubole karone?

Manu khan dihishe kinika Jisu Krista pora 5hazar manu khan ke 5ta ruti aru 2ta mas pora pet bhorta kurishe. Tai khan tu inika achurit kam kuribo mon. tai khan bhabna kure ki tai khan bi inika Shakti thakibole lage titya hi tai khan laga jibon tu kam ahibo. Itu karone taikhan hudishe, “ami khan ki kuribole lagibo Isor nishina kam khan kuribole karone?”

Isor Jisu Krista laga jibin ke pura puribi. Tai laga homoi prithibi te. Tai itu saboot dishe ki tai tu hoile Pormeshwar laga chokra ase koi inika achurit kam kuri kene. Itu axhurit kam aru tai laga Shakti thakia kotha pora taike sobse uncha banai. Pobitro kotha te koi, JOHN 6:14 Jisu itu achurit kam koria dekhi kene tate laga manu khan koise, “hosa tai hi utu Prophet ase jun itu prithibi te ahibo koi kene koise.”

Jisu Krista pora tai laga bacha khan ke bi inika hi achurit kam khan kuribo dibole mon tai kura nisina. John 14:12 te Jisu koise, “ami apuni khan ke hosa pora koi di ase:jun amike Biswas kuribo, ami ki kam kham korise tai bi itu kam khan kuribo; hoi, tai itu pora bi bisi dangor kam khan kuribo, kile koi le ami Pormeshwar baba logote jai jabole ase.” ki apuni laga atma tu Isor karone dangor kam khan kuribole mon? ki apuni laga atma bi Jisu kam kura nisina kuribole mon? ki apuni hudishe ki apuni ki kuribole lagibo Isor laga kam kuribole karone? Itu ase koile apuni khan tu nijor ke pobitro atma logote bhorta kuribole lage, aru tai laga Shakti logote.

Itya amikhan t uses laga homoi te ase. Bishi manu itya bi Jisu ke najane. Taikhan Isor laga Shakti tu dikhanai. Itya inika kun ke bi achurit pobitro kotha kua nuhune. Aru kotha pora hi changai pa laga Shakti ami khan bi hobo lage, titya hi gentiles khan nisina Biswas nokora khan bi Biswas kuribo.

Jisu tu acchurit kam khan kuri kene hi biswasi khan laga mon chuishe. Jisu tu achurit kamkhan kuri kene hi tai tu Pormeshwar laga chokra ase janibole dishe. Itu ekla nohoi kene tai ami khan ke kosom bi dishe ki ami khan bi inika achurit kam khan kuribole paribo.

Oh isor laga bacha khan apuni khan bi Isor nisina achurit kam khan kuribo? Aru diniya ke janai dibo ki Isor tu hosa ase aru zinda ase koi kene?

Aji bhabna kuribole laga pobitro kotha tu hoile, John 6:2 bishi manukhan tai laga piche piche ahishe kile koile, tai khan tai ke achurit kamkhan koria dikhishe aru bimar manu khan ke bhal kura dikhishe.