JULY 20 – Khushi- thakibi khali te bi!

Habbakkuk 3:18 ami mon khushi pora thakibo, kile koile Pormeshwar Jehovah amike modot kuribo.

Ekbar, biswasi khan pora Isor laga pobitro kotha uporte kurishe. Ekjon pora koishe, duniya bona laga hissa toh bhal thakishe. Ekjon pora koishe pahar te prathana kura toh bhal thakishe. Tisra wala pora koishe swarg laga kotha revelation te bhal lagishe.aru ekjon pora ashirbad laga kotha Ephesians te thaka tu taike bhal lagishe.

Utu homoi te aru bi ata Isor kam kora manu Webster  koi kene ahishe. Tai tu tai laga Bible khuli kene pobitro kotha khuli kene dikhaishe Habakkuk 3: 17,18 kote likhi ken ease dimoru (fig) gas te dimoru nathakile bi aru angur gas te angur nathakle bi aru jolphai ghas te jolphai nathakile bi, aru dhan hobole naparilebi, sob bhera chaguli khan murijaile bi aru janwar thakia ghor khali thakile bi, ami mon khushi pora thakibo kilekoile Pormeshwar Jehovah amike modot  kuribo.

Hosa morom tu yate hi koi kene ase. Khushi hodai din, dukh te bi, kandile aru luksan hoi kene thakile bi. Itu nishina hi thakibole lage sob Isor laga bacha khan bii. Apostle Paul pora likhishe Romans 14:8 te Isor laga monjur ase koi kene ami khan jinda ase, aru amikhanmorishe koile Isor laga monjur  ase koi kene hi morise, itu karone ami khan morile bi aru zinda thakilebi, amikhan Isor laga ase.

Ekta olop hashia laga ghotna ase, itu te prashna kure mane (question). Kissa tu inika ase, ekta manu junhi tai laga jibon pora bishi gussa hoi kene nodi te muribo koi kene jai thakishe. Tai itu bi bhabna kurishe ki judi tai kunuba khushi manu dikhishe koile aru muribole najabo. Tai laga rasta te tai kunbi khushi manu lok panai.

Kun manu pora itu kissa koi thakia toh question kurishe. Itu question tu hoile inika ase, “judi apuni itu manu ke lok paishe koile ki kuribo thakishe? Tai ki muribole thakia tu  numuria. “

Judi inika hi question  tu apuni ke hude, apuni ki jawab dibo? Oh Isor laga bacha khan, bishi manu khan jun ulta berai thake tai tu hoile mon dukh te thakibo. Ki isor laga khushi para apuni khan ke dukh dibo? Itu bhabna kuri sabi.

Judi apuni khushi thake, itu pora hi manu apuni laga usor te ahibo paribo. Itu Isor najania manu khan tu hoile Isor Jisu Krista ke janibo jun hi itu khushi laga jar ase. Oh Isor laga bacha khan hodai din Isor laga khushi te thakibi.

Aji bhabna kuribo laga Pobitro kotha tu hoile, Psalms 4:7hoilebi apuni amilaga montte ki khushi dise itu tai khan laga bhorta thakia dhan aru mudu khan porabi bisi ase.