July 17 – Daniel laga Prabhubhakta!

Daniel 6:4 titia dusra governor khan dusra sorkari kam koria manu khan Daniel jineka pora kamkhan kori ase itu kam khan te galti bisari bole kosis korise, hoilebi tai khan inika ekubi bisari kene panai, kile koile tai ekdom thik pora kam kori thake aru eneka ekubi nokore juntu galti ase.

Ami khan laga Isor tu hoile dankorta ase. Aru kun hoilebi Isor ke morom kura tu prabhubhakta hi thake, mane faithful. Ami khan tu bishi Isor ke morom kora khan laga jibon tu sai ase. Aji tu ami khan Daniel laga prabhubhakta tu bhabna kuribo.

Ekta group tu hoile Daniel laga piche te thakishe tai laga galti bisaribole. Itu biya manu khan tu tai uporte gussa hoi kene thakishe. Aru tai khan tu misa mishi manu thakianai. Pobitro kotha te koi ki governor khan pora taike galti bisari thakishe. Hoilebi taikhan Daniel uporte iku galti panai. Ami khan itu Daniel 6:4 te dikhi pai.

Revelation 12:10 te dikhi pai, ki sata laga nam tu hoile ‘bodnam kora’ ase. Hoile bi Daniel tu Isor laga suku te prabhubhankta thakishe aru manu khan aru raja khan laga usorte te bi wafadar thakishe.

Isor laga kosom tu ki ase? Matthew 25:23 bishi bhal kori ase apuni bhal aru thik thak kam koria noukar ase! Tai laga malik taike koise. Apuni chutu mutu kam hoilebi  bhal pora kure, itu nimite ami apuni ke dangor kam khan bi koribole dibo. Ahibi ami apuni logote bishi khushi hoishe.

Jitya Daniel ke Babylon te dhuri kene anishe, Isor pora taike wafadar paishe. Isor dikhishe tai tu kiman bhal aru prabhubhakth thakishe  jitya tai raja laga bachi ja tu khabole mana kurishe, itu matlab tu tai laga maiki k eek rati lobo le mana kurishe. Itu karone Isor tu taike bishi laga raja banaishe. Alag alag raja ahishe aru jaishe. Hoilebi Daniel ke uthai dishe aru sobse uncha kurishe.

Oh Isor laga bacha khan Jodi apuni khan bi Daniel nisina biswasi thakibo paribo? 2 Chronicles 16:9 “Jehovah laga namke uncha kori kene gana  kuribi; tailaga iman bisi achurit kamkhan ke koikene berabi.” Raja pora  bi Daniel laga Biswas tu dikhishe. Tai  Daniel ke, “Daniel Isor laga naukar inika hi mate” aru hude, “ki apuni laga Isor junke apuni mahima kuri thake tai pora hi apuni ke bag laga mukh pora bachaishe?”

Apuni jane Daniel pora itu homoi te ki jowab dishe? Daniel 6:21,22 Daniel jawab dise, “oh maharaja apuni hodai jinda thakibi! Jehovah tai laga duth khan ke pathai kene itu bagh janwar khan laga mukh khan bon kuri dise itu nimite tha khan amike ekubi jokhom kuribole naparia hoise. Tai inika korise kile koile tai Janise ami lag ikubi golti nai aru ami oh Maharaja, apuni ke eku bi galti koria nai.”

Prabhubhakta aru wafadari hi bishi zaroori ekta Christian biswasi karone. David likhishe Psalms 51: apuni tu hosa ke ami jonom nuhua pet te thaka homoi pora lagi ase.

Jitya apuni Isor logote hosa thakibo aru manu logote bi, Isor laga naam uncha hobo. Aru apuni laga sob kam tusafal hobo.

Aji bhabna kuribole laga pobitro kotha tu hoile Proverbs 28:20 hosa pora kam kori kene thakia manu khan hodai bhorta aru khushi pai kene thakibo. Hoilebi apuni joldi dhoni hobole  kosis kori ase koile apuni sajai pabole ase.