July 12 – Disha (direction) tu Uncha para ahe!

Psalms 75:6 purab phine pora,nohoile paschim phine pora, uttar phine pora nohoile dakdin phine pora disha nahe.

Pobitro kotha te 150 Psalms ase, itu pora 73 tu David pora likhishe, 12 tu Asaph pora, 11 tu Korah laga chokra khan pora, 2 tu Solomon pojra, 1 tu Moses aru 1 tu Ethan pora. Hoilebi tate 50 Psalms likha tu kun likhishe itu kun pora bi najane. Psalms tu hoile modot kure manu laga dimag aru tai khan pora hosa jani paa tu bijibole karone.

Jitya dushman khan pora Isrealites khan ke maribole ahishe, Isrealites khan pora alag desh khan ke rukhishe modot mangibole tai khan ke bachabo karone. Tai khan tu bhabona kurishe ki Egypt pora modot pabo naki koi kene juntu purab phine thakishe. Hoilebi tai khan ke bachabo nimite kun bi ahanai. Apuni khan disha pabo karone hoile tu purab, pachim, uttar nohoile dakshin phine sabo nalage. Inika ase koile toh ami khan modot karone kun phine sabo lage.

David koi, Psalms 121:1,2 te “ami pahar phine sai thake, amike modot kkuribole kote pora ahibole ase? Jehovah jun swarg aru prithibi ke banaishe, tai pora ami laga modot ahibole ase. Isor jun hi apuni ke morom kure tai ekla hi apuni ke modot kuribo. Itu tai laga hi hath apuni uporte ase ki tai pora manu komti hobi bishi hobi pathai kene modot kure.

Jitya Midianites kham iman bishi pora Isrealites khan ke maribole ahidshe, Gideon pora kun ke saa nai hoilebi Isor ke hi saishe aru tai ekla ke hi bharosa kurishe. Isor tai khan logote thaka karone, tai khan tu jiti bole parishe aru iman komti sipo khan pora 300 Midianites khan ke hara bole parishe.

Ekdin toh dangor jhagra ulaishe Rja Hezekiah laga uporte. Sennacherib, Assyrian army laga chief para ekta dhomki diya laga sandesh pathaishe. Kinika raja Hezekiah pora Assyrian laga iman bishi army ke harabole paribo? Tai kot  phine bi saanai hoile bi Isor ke hi saishe. Isor pora bi tai laga dut mane angel pathaikene taike jawab dishe. Pobitro kotha pora koi, Isaiah 37: 36  Jehovah laga ekta duthAssyrian khaln laga camp te  jai kene 1,85,000 sipoi khan ke  morai dishe.  Phojir te suraj ulabole homoite tai khan tate sob mori kene giri asile.

Oh Isor laga bacha khan, a[puni khan bi kitya ba  dukh te thakibo pare. Apuni khan tu bhabna hobo pare kun pora hi ami ke bachai dibo itu digdar pora. Kun ke modot karone bisaribo, kun ke  mangibo aru ki bisaribo? Isor pora apuni khan ke ki kosom dishe? Jitia tu purab pachim pora nahe nohoile bi andaz pora nahe. Itu Isor hi ase kun apuni ke modot kuribole paribo.

Aji bhabna kuribole laga pobitro kotha tu hoile, 1 corinthians 15:57 hoilebi Jehovah ke dhanyabad ase jun amikhan laga Malik Jisu Krista  ke pathai kene ami khan ke jitai dishe.