July 12 – Ganugu uan amaneng saring yertai!

“Iten asan gamlenden ganugun darungyungseng orde barubyungseng saring orde asarsol desan saring adyerai” (Sanenken 75:6).

Sanenken kambo’olingan 150 Sanenkenan daku, kun saring Daudo 73 Idol-le, 12 ate Asaph, 11 ate Korah aonanji, 2 ate Solomon, 1 ate Mojes do 1 ate Ethan. 50 Sanenken ate ganalaman ade’ad. Sanenken mandranji amonna gananludan do janardin ayangben sayamte.

Agante asangem maranji Israel maranji ad’ongba yirlaji, bigda adesa amandranji ja omdile dakulenji abluben asan. Aninji anogandi batte giyleji, “Misor desan Darungyungseng saring sanayaman ayiraitenpo, butteja pede yirle ben raptitaji’ arapben asan bindo buteja adyirlaji a sayam-ben asan. Uan saring yirtaigamle giyben darungyungseng, barubyungseng, asarsol desan do saradidyun. Kun ambrij, uan amanengba giyben dete?

Daudo gamete, “Hen barubanji teredmadlen gijgijtai; uan saring sanaiyam-hen yertai? Sanaiyam-hen Gamangtungan amang saring yertai; Anin riangan do ordaran gabdelle” (Sanenken 121:1,2). Buttente Kitungan ad’ong timhimte anin amangba sanaiyaman apaite. Sanaiyam asi’lingan daku, do anin hangdramte ateng mandralingan orde asui mandranlingan.

Agante ateng mandranji Israel amangba asanggemle yirtaji, Gidion ageyja adgiygijad bindo lanangkaba Kitungan amang gijgijle. Kitungan aninji ampara dakule, aninji dainaleji kun asanu saring bo surda group maranji yagi soa sanumarnji amang saring.

Bo denna, sanu Ijekiya raja amangle. Sennakerib, Assuriyanji asanumaranji, bo ganadlam biran rajan Ijekiya amangba appaileji. Yangam rajan Ijekiya Assuriyanji asanumarlingan jinote? Anin darungyungseng, barubyungseng, asarsol desan do saradidyun agijgijad bindo Kitungan amang sattang gijgijle. Kitungan a pissidianji apaile. Bibolan gamte, “Seletten Gamangtungan a pisirdian dunglen yerre, Assuriyanji a barasu darakuna lingan bo lokyo unji kurdi-monloi ajar mandranji a d’ong kabhideten. Do angante mandranji rayzl tagaldan dzlenji, seletten aninji kan a kuddub mardunji gijleji” (Jisaya 37:36).

Tanahimdam Kitungan a onagji, amben janang ateng kanalkalan batte hanamandelaben. Hen butten tanditiy kan kanalkalan saring gamle aogandite pede, hen butten ualai, hen uan saring ridanai, do ayeng amurda mar sajai do kan ambrij ayam. Iten Kitungan d’ongben gamete? “Daina darungyungseng orde barubyungseng saring orde asarsol desan saring adyerai. Kan ate Kitungan amang saring mahai yirtai”.

Kinolbe absele: “Bindo ayengan a Kitungan Jisu Kristu Gamangtung-len batte dainan tiytiylangten, Anin a d’ong sanensenan de-ete” (1 Korintia 15:57).