Dec 30 – SRESTATHARO CHRISTMAS

Luka 2:31-32 Dev soli janner vas thayar kidojako, Thar rakshana Mar anki diticha kan ko.

Assal srestatharo Christmas katho kai?  Vimochan devalo Yesu Christhu balar nai yee dharpthipar pedavero kukan yee Christmas vagathemaj malam vacha. Lapan aaj dekatho jada manikya yee Yesu Christhu pedavojako  kassen kan bhulajan peeyeron, khayeron khushi kareroj kelerecha.

Thu vatho yee thevarethin jada Christhur bagej sos karan maanpan karero hacho.  Assal yee Christmas thevarema thu thar dallema puro anandena savaad karnu katho thar vasu dharpthipar aayojako Yesu bagey dhyan karnu. Jana vu Prabhur dadema thona chavnujako asishen devalo cha.

Apan yee thevaren karlen vu Prabhu deemo haptha aavajena sada heremellenu. Kassen katho agediyar Mariyar petemathi balar nai aayocha. Lapan deemo haptha Rajero Raj ven ayevalo cha.

Bala Yesun suntha karer aatmo dad aayojana vu Prabhun dekenijer aanga thu maresni kan Simeyon Ajji Anna vujji dharam shasthrema mot vethejako sey Yesuj Messiya kan maanlide.

Simeyonpar Pavithar Athmar abhishek Ajji Devaj malam karayo jethij vu Prabhu Yesu kan valakoju dekacha. Jethij vu Athmar vadithi Prabhur mother bagey sada aangaj kenako. Yee Simeyon kajako namen rakshana kan aratham cha. Mathai 1:21 vachanema vor nam Yesu kan pado vu namen rakshan devalo kan aratham cha. Simeyon sari srustinaj hathema jhallen chajako Prabhu Yesuna vor hathema paldinotho. Vu Prabhu Yeshaya 66:1 vachanema asman mar simhasan jammi mar bheser pag ven cha kan ko.

Ajji jada dhyan Karen pado Yeshaya 25:9