Dec 30 – CHRISTMAS KI MATIK MANGAL!

“nahakna mi pumnamakki mamangda madu thourang toubire, atoppa jatisinggi mathakta phongdokpinaba mangan , amasung nahakki mi Israel gi matik mangan oigani.” (Luke 2:31-32).

Christmaski matik mangal adu karino? Christmas matam asi eikhoigi handokpiba mapuna angang oina poklakpa adu eikhoina uriba matamni. Ngasidi mi mayamna Christa bu kaothoklaga   madugi harao kumhei oina luptuna leire. Makhoina chaba,thakpa amadi nungaithokpa adu yamna pamle.

Adubu nahaknadi masigi harao kumhei mayamgi wangmada Christabu chumna yengkhattuna yamna ikaikhumnabaga loinana mahakki maphamda kok nonthabiyu. Mahakna taibangda pokliba adugi asengba pandam adu nanggi punshida thungba oisanu.

Mahakna taibangda karigi damakta lakkhibano haibadu nahakna munna dhyan tourabadi Christmaski matamgi bora du nahakki punshidasu thunglakkani. Aduga  Prabhugi numitki damakta nahakna karamna thourang tourabage?

Ngasi eikhoina Prabhuna ahanba oina lakpa asigi maramda palan touringei asida mahakna anisuba oina lakpa matam adugi damakta eikhoina chaoraba thoudang amadi thabak leibani. Mahakna Mary gi machanipa oina angang oina laklammi.  Adubu mahakna anisuba oina lakpa matamdadi ningthousinggi Ningthou amadi prabhusinggi Prabhu oina laklagani.

Mahakna pokpa numit nipanni suba numit aduda Mary amadi Josephna mahakpu  Jerusalemda pukhiduna Iswarda katthoklammi. Makhoina lairaba imung ama oirabasu makhoina khunu jura ama puraktuna iratpot oina katkhi. Jesu adu Jerusalemda pukhiba matamda ahan oiraba mi ani khaktana mahakpu masak khanglammi.

Amaduna Simeon oirammi, mahak adu achumba, Iswar ningba nipa, Israelgi damakta thougatpa ama adu ngaijaramba misak oirammi. Aduga atoppa amaduna Anna oirammi, mahak adu maichou oirammi.  Jesu adu Messiah Christa ni haiba adu makhoi anigi mahtakta phongdokpirammi.

Simeonna Jesubu karamna khangkhibage? Maramdi mahakki mathakta Thawai asengba leirammi,aduga Thawaina mangonda phongdokpiramba adudi mahakna Christa adubu udriba phaoba siba yaroi hai. Aduga madugi pungja aduda Thawai aduna chingbiduna  Mahakpu uhallammi.

Prabhuna pokpiriba asina Israel machasing khaktada arankhubam pubirakpa nate adubu taibang apumbagi damaktani. Adugi maramna  Simeonna mahakpu  Arankhubham haina kourambani. “ mahakki maming adubu Jesu haina thonbigani, maramdi mahakna mahakki misingbu makhoigi paptagi kanbigani. ” (Matthew 1:21).

Christabu nahakki nahakki pambom anida thanggatpa asida nahakna yamna akhannaba bor amadi khudong chaba phangba yamna mathou tai. Simeona jagat sangsargi mapu oiriba Prabhu Jesubu mahakki makhutta pamkhatlammi. Swargabu eigi phambalni, amadi malembu eigi khongnetphamni haina hairiba Iswarbu mahakna pamkhatlammi. (Isaiah 66:1) Iswargi machasing, numit tha  thawan michak kayabu sembiramba mapubu nahakki pambom pamba haibasi kayada laibak phabano?

Dhyan tougadaba: “aduga numit aduda haigani,  “ yengu, masi eikhoigi Iswarni, eikhoina mahakpu ngaijakhi amasung mahakna eikhoibu kanbigani. Masi Jehovahni, eikhoina mahakpu ngaijakhi, mahakki aran khubamda eikhoi haraojagani amasung nungaijagani.” (Isaiah 25:9).