Dec 28 – DUSRA UPHAR: SUGANDHIT DHUP!

Matthew 2:11 “aru jitya taikhan ahishe ghor te, tai khan dikhishe jawan shishu ke Mar logote Tai laga ama, aru girishe niche aru seva korishe Tai ke. Aru jitya tai khan khulishe tai khan laga tijori ke, tai khan uphar dishe Tai ke: sona, sugandhit dhup aru loban”.

Sugandhit dhup ase dusra uphar buddhimaan manu khan laga Isor  ke. Sugandhit dhup dikhai pondit mantralay ke Isor Jisu laga.

Pondit jun khara kore Sobse Uncha pobitro jaga te, loi sugandhit dhup ke sona laga dhup jolai diya; aru itu pora hilai diye pobitro maujudgi ke Isor laga, ekta hilai diya uhar nishina; aru sugandhit dhup laga gunh upor te jai; juntu hoi bhal laga Isor ke.

‘sugandhit dhup’ ase chi prathana laga; aru itu pora dikhai kinika Isor Jisu pora binate koribo ami khan karone dahina hath te Baba laga.

Pobitro kotha te koi, ‘itu karone, pobitro bhai khan, bhag loa swargo mata laga, mane Chela aru uncha Pondit amikhan laga swikar kora Krista Jisu ke(Hebrews  3:1).

Uncha POndit ke lage sugandhit dhup; aru buddhimaan manu jaishe purbh pora dibole utu khan ke Tai ke. Jitya tai khan  uphar korishe sugandhit dhup ke, tai khan prathana korishe, “Isor hobi ami khan laga Uncha Pondit, aru binti koribi amikhan nimite Baba Pomeshwar logote, kandi kene juntu kobole bi napare”.

Sugandhit dhup bi dikhai prathana khan ke pondit khan laga. Ami khan porhe Pobitro kotha te ki, “jitya Tai khan loishe pustak ke, charta jiyai thaka jontu khan aru chaubista dangor khan girishe agete memna laga, sob logote mukh bajna thaki kene,a ru sona laga bati khan dhup, juntu ase prathana khan pondit khan laga” (Revelations 5:8).

Kiman bi mili jai ki itu sugandhit dhup ke dishe ekta uphar loi kene Jisu Krista ke – Raja Pondit khan laga, ekta chatra chaya hobo ami khan prathana laga Tai ke.

Sugandhit dhup bi ase chin prashansha laga aru dhonyabaad. Sugandhit dhup ase sobse poila saman cholai diya laga abhishekh karone; nahoilebi gunh hilai diya daan nimite.

Isor Jisu thake majete prashansha laga. Jun bi diye sugandhit dhup ke prashansha laga tai laga mon pora, ashirbaad khan  Baba laga giribo tai uporte.

Jinika sona ase chin rajasi Krista Jisu laga, sugandhit dhup chinai diye Tai laga mahima ke aru Tai laga uncha Pondit hua ke.

Bacha khan Isor laga, hosabi hobole dibi ki apuni laga prathana ke uthai diya maujudgi ke Isor laga, ekta mitha gunh nishina sugandhit dhup laga. Utu hobo lage apuni laga uphar Isor ke.

Aji dhyan koribole laga pobitro ktoha tu hoile Song of Solomon 3:6 “kun itu ulai ahi ase jongol pora jinika khuta dhua laga, gun loi kene oban aaru sugandhit dhup laga, sob vyapari laga gun khan ke loi kene?”