Dec 24 – SHAKTISHALI NAAM KHAN!

Isaiah 9:6 “kintu ami khan ke ekta Shishu ase jonom, ami khan ke ase ekta Putro di kene; aru sorkaam thakibo Tai laga kandha te. Aru Tai laga naam hobo Achurit, Salhakar, Mahaan Pormeshwar, Hodai din laga Baba, Rajkumar Shanti laga”.

Nabi Isaiah jiyaishe 900 saal tok agete Krista laga. Hoilebi tai laga drishtijanak suku logote, tai dikhishe Isor Jisu, aru parichay dishe Tai laga panchta naam ke.

Isor Jisu ke ase bishi naam khan;a ru sob tai khan dikhai Tai laga akhar aru abhyas ke. Tate ase pratigya khan Tai laga naam khan te;a ru dikhai ami khan ke ki Tai koribo ami khan karone.

Itu naam ‘Jisu’ mane Tai jun bachabo Tai laga manu khan ke tai khan laga paap khan pora (Matthew 1:21). Naam ‘Immanuel’ mane ‘Isor ami khan logote’ (Matthew 1:23). Tai ase hodai ami khan logote aru nachare nahoilebi naphelai ami khan ke.

Naam ‘Krista’ mane ‘Isor abhishekh laga’; aru ‘messiah’ mane ‘Tai jun ahibole ase; nahoile Tai junk e kore akha ahibole’.

Tate ase komse kom 272 naam di kene ami khan Isor laga. Hagar naam dishe Tai ke, ekta ‘Isor jun dikhe’ koi kene. David matishe Tai ke ‘Tai jun hune ami khan laga prathnaa ke’. Nabi Macah matishe Tai ke ‘Tai jun hati diye sob badha khan ke’. Nabi Elijah matishe Tai ke ekta ‘Isor Elijah’ laga koi kene. Hoilebi Isor mate Nijor ke ekta ‘Isor Abraham laga; Isor Isaac laga; aru Isor Jacob laga’.

Naam Isor laga ase imaan shaktishali. Itu karone ami khan gai, ‘‘The name of Jesus is so sweet; unparalleled; the name above all names; and joyful’.  Tai laga naam ase uporte sob naam laga; a ru ase uporte sob adhikaar laga swarg te aru prithibi te. Itu ase naam ji pora khotom kore sob shakti ke dushman laga.

Ekbar naam Emperor Alexander the Great laga ke manishe bishi shaktishali; hoilebi itu achanak hari jaishe homoi pichete. Greay Pharoahs, Herod, napoleon,  Garibaldi, Mussolini, Hitler khan thakishe kunuba jun khan raj korishe dangor pora tai khan laga homoi te, hoilebi taikhan laga naam hari jaishe homoi pichete.

Hoilebi naam Isor Jisu laga nirantar uthishe uncha te sob naam laga; nirnatar ase kimti sobse uncha podh te prashansha laga; aru nirnatar ase mahaan dui hazar saal pora. Ami khan mate Tai ke ‘Abba, Father’; aru Tai ase ekjon junk ore sob juntu ami khan chinta kore.

Bacha khan isor laga jitya pora naam Isor Jisu laga Krista laga ase naam pratigya laga, itu hosabi anibo ashirbaad apuni ke.

Aji dhyan koribole laga pobitro kotha tu hoile Philippians 2:9-11 “itu karone Isor ke bi ase bishi uncha uthai kene aru dishe Tai ke naam juntu ase uporte sob naam laga,  ki naam te Jisu laga sob ghutna niche hobo, jun khan ase swag rte,a ru  jun khan ase prithibi te,a ru tai khan jun prithibi laga nichete,a ru ki sob jibh swikaar koribo ki Jisu Krista ase Isor, mahima Isor Baba ke”.