Dec 24 – MATIK LEIRABA MINGSING!

“Maramdi eikhoida angang ama pokle, eikhoida machanipa ama pibire, mahakki lengbanda leingak      sasan leigani, mahakki maming kougani, ang akpa , paotak piba, matik chaoba Iswar, lomba naidaba Ipa amasung ingthabagi ningthou.” (Isaiah 9:6).

Maichou Isaiahna Christana poktringeigi chahi 900 mamangda leiramkhrabani. Adubu mahakna mahakki maichou oibagi mitki mapanna Prabhu Jesubu uduna mahakki minglen manga adugi maramda hanna mangjounana phongdokpirammi.

Prabhu Jesuna khetnaba ming mayam lei. Aduga ming amamam aduna mahakki lamchatki maramda phongdokpani. Mahakki mingda wasakpiba lei, aduna Iswarna nahakki damakta kari toubiba pambage haiba adu mangonda haidok u.

Jesu haibagi wahanthokti mahakki misingbu makhoigi paptagi kanbiba haibani. (Matthew 1:21) “Immanuel” haibagi wahanthokti “eikhoiga loinariba Iswar” haibani.” (Matthew 1:23). Mahak eikhoiga loinaduna mahakna eikhoibu keidoungeidasu thadokpide.

“Christa” haibagi wahanthokti “ thao noibikhraba Prabhu” haibani aduga Messiah haibasina lakkadaba adu natraga asha chaona ngaijariba aduni.

Eikhoigi Prabhuda mingthon 272 muk lei. Hagarna Mahakpu eibu ubiba Iswar haina kourammi. Davidnasu hai, “ eigi haijababu tabiba  mapu hairammi. Maichou Micahna mahakpu “eikhoigi apanba bu louthokpiba Iswar hai. Elijahna “ Elijahgi Iswar” haina kourammi. Adubu Iswar masana masabu Abraham, Isaac amadi Jacobki Iswar haina koujarammi

Iswargi minglen asidi yamna matik leibani. Aduna eikhoina asumna saklibani, “ Jesugi minglendi yaman nungshijei” changdamnaba yaba atei leite,minglen khudingmaktagi athoibani. Mahakki minglenna athoibani, aduga swarga malem animaktagi mahakna matik paibani. Yaknaba khudingmakpu mahakki minglenna  manghanbani.

Matam amada Emperor Alexander gi ming asi yamna matik leibani haina khannarammi. Adubu madu ngaihakki matunga mangkhre. Athoiba Pharaoh, Herod, Napoleon, Garibaldi, Mussolini, Hitler makhoi asi matam amada yamna athoiba oirammi, adubu makhoigi mingchat matam khragi khakta oirammi.

Adubu Prabhu Jesugi minglendi matam khudingmakta athoiba oina leiri. Minglen khudingmaktagi athoibani. Khwaidagi wangbada thagatpada matik chaduna leiri, aduga chahi lising lising  athoiba oina adum leigani. Eikhoina mahakpu “ Abba, Ipa haina koujei. Eikhoigi maramda darkar leiba khudingmakpu mahakna yengsinbibani.

Iswargi machasing, Jesu Christagi ming asi wasakpiba ming oibana maram oiduna masina nahakki damakta soidana bor pubirakkani.

*Dhyan tougadaba: “maram asinasu Iswarn amahakpu yamna wangna thanggatpire, aduga mangonda ming khudinggi mathakta leiba ming adu pibire, masi swargada, malemda amasung malemgi leironnungda leiba khudingmak Jesugi mingda khuru khudak kunduna khurumjanabani. Aduga Ipa Iswargi matik mangan chaona ba leiton khudingmakna Jesu Christadi Ibungoni haina phongdoknanabani.” (Philippians 2:9-11).*​