Dec 23 – THONA MALAM CHENIJETHI JAAGAN RO

Mathai 25:13 Vu dadko ghadi ko thamena malam cheni jethi jaagan ro.

Kannavathoi Yesu Prabhu vu aayer bagey kevajanna sada jaagan ro kan ko. Jethi Mathai 24:42-43 Thamar Prabhu kunso dadema avachakan thamena malamchenijethi jaagan ro. Chorya kunso vagath avachako gharer malak malam karlmelovatho, vu jaagan ren vor gharena phodena chodenikan thamena malam.

Vu Prabhu avajana jaagan rero vu kathra jada naseeb kunika. Yekvela jaagan naratho apaner gharema apan thamjamacha.

Luka 21:36 jethi abbepar chalajako yindena sey tham talaan, manikyar betar aanga hubarena chaleval vena her ghadi araj karthey jaagan ro kan ko.

Prabhu aayer nishanen yee jagathima heryek jaagema dekacha. Heryek pravachanal puro vericha. Jagasari papethin ballathi bharan cha. Abba karuvukaatakala jada dekrecha.

Krupar yugana akharima cha Ajji yithihasena dai cha. Jethi apaner apan vu dadevasu jathanethi rero ghano acho. Dever vath Romavalun 13:11 neendena jaager vagath vegochakan apan vagathen valakevaler nai hanu chaljavunu, apan viswasi vejana rakshan dai rajethini, abba vu Apanen ghano dai cha.

Jesaruj vu Prabhu deemo haptha avajana apan badlavani vethanu vu Prabhun bhalevaler nai thayar vejavunu.  Vuj Yobu 19:25-26 vachanema yee jeevadan chodan javujana ma yee jeevadathi badlavani vejamacha.  Jethi maro Vimochak banchan cha kan gavai dacha.

Ajji jada dhyan Karen pado Ephesivalun 6:18