Dec 23 – Kilkille Dakunaba Amben Aggalame!

“Anten asan kilkille dakunaba, iten asan gamlenden anta dinna orde gontan amben aggalame” (Mattiu 25:13).

Yan bangsa beran ‘Gamangtungan a Lippa’! Kitungan lippa tiybenten, itente lanumudlingan at’arben apsele. Kan batte absuite amben a hanaben dete. Nami iten agaramgam lippa, Mandran a janggardan na Kitungan batte taniyan dele. Mandran amang janggardan do pwrardan daku (Mattiu 24:42-43).

Do kan kuddub d’ong-lingan dakuten. Angante d’ongan kadhidte, janggardan do pwrardan ameng dakute, aninji na er hidmandrengna do agaja adtakude. D’ongan batte amben kan ordarlingan daku. Kitungan moloi janaban tiyaiten d’ong-lingan! (Mark 13:34, 37).

Kan ordarlingan adakunaben asan. Bindo Kitungan janggardan tiyaiten, lippa ambrij, janggardadage a dakunaben asan. Kan batte amben dakulen araptite itente bangsa orde itente er bangsa do Kitungan a itsum a galamben asan mandrengna lingan, Ateng ayam (Luk 21:36).

Angante amben apangte er bangsa gadrij’enan, janggardan-ling-ben kanalkalan dete. Do angante er bangsa baran alumte, boi kalaibelaige a dete, do kun ayam amben boi boi dukkadataben.

Angante amben agijte jajingante a mandrnji. A mandrengna-linganji kanalkalan dakute. Amben pede a ogandete kan kudduban abmele. Mandran a janggardan – itente Kitungan a lippa, kan kudduban abmele kani na.

Angante mandran a janggardan maiten Kitungan a janggardan batte, Anin sayambenten bangsale Anin a itsuman ambrij. Mandrengna ling ben Marid Janggardan barate (Romi 13:11).

Janggardaben batte. Kitungle Jisun gameten: “Bindo angante Janardin a Janggardan yertai, seletten Anin kuddub janardi lingan abanjengtaben. Anten asan, Janardi a Janggardan, maiten janggarda ben batte do hanghangte bangsale iten janardgodan a sedaben asan. “Marid Janggardan U’an ahim-ling-Hen appaite.

Anin kudduban abmele hanghantaben. Bar itente itente Hen opunglaben anta kudduban abmele Anin abayimtaben. Amben itente a tagor-ling a haten tette-lingan kalai bilaige dakupo (Ayob 19:25-26). Tanahimdam Kitungan a onagji, amben nami dukkadam do dukkapo

Okiy Kinolbe absele: “Kuddub garberan do ganarmadan batte dile ayaman Janggarda lingan garbernaba. Bar kuni abmele kuddub badloyim maranji apsele eramuij uyaloge adarmad dakuan dakule garbernaba” (Epissi 6:18)