Dec 21 – UTHIBI UTHIBI DEBORAH!

Judges 5:12 “uthibi, uthibi, Deborah! Uthibi, uthibi gabi ekta gana! Uthibi Barak aru loi jabi apuni laga bandhi khan ke, O lora Abinaom laga!”

Bacha khan Isor laga thakibo lage uthi kene; gabi Isor ke; aru prashansha koribi Tai ke. Titya tagot Iosr pora lorai koribo tai khan logote jun uthe khilaf te apuni laga. Tai pora dhuribo tai khan ke jun dhure apuni ke bandhi te. Inika chamatkar hoishe din khan te Nyayadhish Deborah logote.

Notun Niom te, Paul aru Silas jun khan ke dhalishe kalkotri te, thakishe uthi kene; tai khan prathana korishe; aru gaishe prashansha Isor ke. Dusra khan kalkotri te bi huni thakishe tai khan laga gana kahn ke prashansha laga. Achanak tate thakishe dangor bhukamph, ki pura jor kalkotri laga hili jaishe; aru achanak sob dorja khan khulishe aru sob laga shikli khan dhila hoi jaishe.

Hoi, jitya apuni prashansha kore aru seva kore Isor ke, Tai jun thake prashansha khan majete hosabi ahibo niche apuni laga majete. Raja David, nirantar prashansha korishe Isor ke,a ru matishe ‘psalmist’, koi kene. Joldh phujir te, tai bojai flute aru harp ke aru prashansha kore Isor ke. “uthibi, flute aru harp! Ami uthai dibo phujir ke. Ami prashansha koribo Apuni ke, o Isor, majete manu khan laga aru ami gabo prashansha khan ke Apuni ke majete desh khan laga” (Psalm 108:2-3).

Itu iman achuri anubhav asde uthibole joldh phujir te aru prashansha koribole isor ke. Isor koi, “ami morom kore tai khan ke jun morom kore ami ke,aru jun bisare ami ke mon di kene pabo ami ke” (Proverbs 8:17).

Tate bishi ase icha khan tanibole kambal ke aru bhal pora ghumabole joldh phujir te. Hnoilebi pobitro kotha te koi, “nakoribi morom ghuma ke, nahoilebi apuni bonibo dukhiya; khulibi apuni laga suku khan ke,aru a puni snatusht hobo roti logote” (Proverbs 20:13). “ashirbaad ase manu ke jun hune ami ke, sai hodai ami laga dorja te, rukhe khuta tea mi dorja khan laga” (Proverbs 8:34).

Sob pondit khan Isor laga bisare chehra ke isor laga, joldh phujir te. Tai khan bojai bajna khanke; gai prashansha ; aru mahima kore naam ke isor laga.a ru isor ahe niche aru diye tai khan ke shakti aru anugrah lagi thaka utu din karone.

Manna ke dhalishe swarg pora Israelites khan karone, gherav te tai khan tripol laga; joldh phujir te. Hoilebi jun khan dhyan koranai aru ghumai thakishe harai loi she tai khan laga manna ke; kilekoile  itu goli jai dhup te suraj laga.

Bacha khan Isor laga, bonabi joldh phujir laga prathana apuni laga adot. Itu pora anibo maujudgi ke Isor laga aru dhalibo shakti ke Isor laga pura din karone. Itu pora tagot koribo apuni ke aru modot koribo apuni ke mangibole jit ke notun din karone.

Aji dhyan koribole laaga Pobitro kotha tu hoile Psalm 108:2 “uthibi, flute aru harp! Ami uthai dibo phujir ke.”