Dec 19 – VU JAAGYAVAJANNA

Agadiyar grandh 9:24 Noha angurer daaru peelen vutyayo.

Noha Yekloj agediya niyathedhar kan naam payo. Noha katho samadhan kan aratham cha. Yee Noha Methushelar bhanjon, Adamethi Dassmo peedivalo, ajji Lemeker beta ven cha. Jammipar janna vethejakonan abba chajako jann sada massaj mandon vunder dallemar sos seji ballan papethi chakan Dev ditto. Yena dekan Deven dukha vegi jethi yee jammipar seji cheniju karnaknu kan keldo. 2 Pethru 2:5 Noha Dever nazarema dayan palido,Noha niyathedhar kan dikayo,Devethi bhalan chalan vuj Dever niyather bagey prachar kido kan dekacha.

Dev Nohan vor katmalena sej jeevarasivun banchadevasu yek jannalen bhand kan hakkam dino. Dev koju Noha jannalen bhandnako jethi Dev koju dee jodi jodi bhelan jeevarasivun vo Jannalema chalayo. Nohar katmalena vuj Jannalema lejathanu vunden voma goknako. Jerpacha jammipar ghano moto thuphanen Dev vundayo.

Juno Karareman Navvo kararema sada Nohar bagey massaj jaga lakkamelecha. Noha niyathedhar rethanu vo jannalema banchadothoi, vu pet bharran daaru peelen derama vor jeevepar latha cheniju suthoverotho. Bhunglo vethojako Nohan vor nankya beta Canaaner  Bap Haman dekan Lathan hachethi daanknaako. Parabhathij vutersath dekan malam karlen Canaaner Bap Hamanen vor sey bhayiyun bayar nai racha kan saraap denako Agadiyar grandh 9:25 vachanema dekacha.

Yek haptha sos karatho Nohaj sovanaju jaagan rovatho athara jada saraaper khabar chalthi koni kaiko.

Heryek baap jaagan ren vor beptana saraap lavanaju ashisenaj laavaju renu.

Gener vath 20:31 sojavajako neend kajako sarapena chiragijako latha peraju karacha. Vo kacha Gener vath 23:35  manna marathoi chote marathoi manna kai lageni Ma kanna sojavu Ajji kanna pharan sojayu kan kelachkacha. Vimochaner grandh 20:5 vachanema chaju kunas yadi Bap niyathethi rachko vunder bepta par hazar varser ashisen laan dacha, vuj saapethi Ratho theenchar peedithanu sarapena kamalcha kan vanchacha.

Ajji jada dhyan Karen pado Gener vath 8:34